ഗ്രീസിൽ കുടിയേറ്റക്കാർ സഞ്ചരിച്ച ബോട്ട് മുങ്ങി മൂന്ന് പേർ മരിച്ചു; നിരവധി പേരെ കാണാതായി
ഗ്രീസിൽ കുടിയേറ്റക്കാർ സഞ്ചരിച്ച ബോട്ട് മുങ്ങി മൂന്ന് പേർ മരിച്ചു. നിരവധി പേരെ കാണാതായി. ഏഥൻസിന് 180 കിലോമീറ്റർ തെക്കുകിഴക്കായി തെക്കൻ സൈക്ലേഡ്സിലെ ഫോലെഗാൻഡ്രോസ് ദ്വീപിന് സമീപത്താണ് അപകടം. 12 പേരെ രക്ഷപ്പെടുത്തിയതായും മൂന്ന് പേരുടെ മൃതദേഹങ്ങൾ കണ്ടെത്തിയതായും കോസ്റ്റ് ഗാർഡ് അറിയിച്ചു. ഇറാഖിൽ നിന്നുള്ള സംഘമാണ് അപകടത്തിൽപ്പെട്ടത്.
32 പേരുണ്ടായിരുന്നെന്നും ബോട്ടിലേക്ക് വെള്ളം കയറിയതാണ് അപകട കാരണമെന്നും രക്ഷപ്പെട്ടവർ പൊലീസിനോട് പറഞ്ഞു. എന്നാൽ ബോട്ടിൽ 50 പേരുണ്ടായിരുന്നുവെന്ന് യാത്രക്കാരിലൊരാൾ മൊഴി നൽകി. അതേസമയം, ബോട്ടിന് എഞ്ചിൻ തകരാർ സംഭവിച്ചതായി വിവരം ലഭിച്ചതിനെ തുടർന്നാണ് ചൊവ്വാഴ്ച രാത്രി ഓപ്പറേഷൻ ആരംഭിച്ചതെന്ന് കോസ്റ്റ് ഗാർഡ് പറഞ്ഞു.
Read More
ഇംഗ്ലീഷ് ചാനലിൽ അഭയാർഥികൾ സഞ്ചരിച്ച ബോട്ട് മുങ്ങി 31 പേർ മരിച്ചു; നിരവധി പേരെ കാണാതായി
ബേപ്പൂരിൽ നിന്നുപോയ ബോട്ട് മംഗലാപുരത്ത് കപ്പലുമായി കൂട്ടിയിടിച്ചു; രണ്ട് പേർ മരിച്ചു, പത്ത് പേരെ കാണാതായി
ബീഹാറില്‍ നൂറോളം പേര്‍ കയറിയ ബോട്ട് മുങ്ങി; നിരവധി പേരെ കാണാതായി
പൊന്നാനിയില്‍ കടലില്‍ ബോട്ട് മറിഞ്ഞ് മൂന്ന് പേരെ കാണാതായി; നേവിയും കോസ്റ്റ് ഗാര്‍ഡും തിരച്ചില്‍ പുനരാരംഭിച്ചു