ഇടക്കാല ജാമ്യം ലഭിച്ചു; ഉമര്‍ ഖാലിദ് പുറത്തിറങ്ങി
വടക്കുകിഴക്കന്‍ ഡല്‍ഹി കലാപവുമായി ബന്ധപ്പെട്ട് തിഹാര്‍ ജയിലില്‍ കഴിയുന്ന മുന്‍ ജെഎന്‍യു വിദ്യാര്‍ത്ഥി നേതാവ് ഉമര്‍ ഖാലിദ് പുറത്തിറങ്ങി. സഹോദരിയുടെ വിവാഹത്തില്‍ പങ്കെടുക്കുന്നതിനായി ഉമറിന് ഒരാഴ്ചത്തെ ഇടക്കാലജാമ്യം ലഭിച്ചിരുന്നു. ഇന്ന് മുതല്‍ ഡിസംബര്‍ 30 വരെയാണ് ജാമ്യം അനുവദിച്ചിരിക്കുന്നത്. അഡീഷണല്‍ സെഷന്‍ ജഡ്ജി അമിതാബ് റാവത്താണ് ഉമറിന് ജാമ്യം അനുവദിച്ചത്.
2020 സെപ്തംബര്‍ മാസത്തിലാണ് ഉമറിനെ ഡല്‍ഹി പൊലീസ് അറസ്റ്റ് ചെയ്തത്. 2020 ഫെബ്രുവരി മാസത്തില്‍ 53 പേര്‍ മരിക്കാനിടയാക്കിയ കലാപത്തിന്റെ ആസൂത്രകനാണെന്ന് ആരോപിച്ചുകൊണ്ടാണ് ഉമറിനെതിരെ യുഎപിഎ ചുമത്തിയത്. പൗരത്വഭേദഗതി നിയമത്തിനും ദേശീയ പൗരത്വ രജിസ്റ്ററിനുമെതിരെയുള്ള പ്രതിഷേധത്തിനിടെയാണ് അക്രമമുണ്ടായത്.
ഇന്ന് രാവിലെ നടപടികള്‍ പൂര്‍ത്തിയാക്കി ഉമര്‍ ഖാലിദിനെ പുറത്തുവിട്ടതായി ജയില്‍ അധികൃതര്‍ അറിയിച്ചു. സഹോദരിയുടെ വിവാഹത്തില്‍ പങ്കെടുക്കുന്നതിനായി രണ്ട് ആഴ്ചത്തെ ഇടക്കാല ജാമ്യത്തിനാണ് ഉമര്‍ ഖാലിദ് അപേക്ഷ നല്‍കിയിരുന്നത്.
Read More
സിദ്ധിഖ് കാപ്പന് അഞ്ച് ദിവസത്തെ ഇടക്കാല ജാമ്യം; എതിർത്ത യുപി സർക്കാരിന് സുപ്രീം കോടതിയുടെ വിമർശനം
ഐഷ സുൽത്താന ചോദ്യം ചെയ്യലിന് ഹാജരാകണമെന്ന് ഹൈക്കോടതി; അറസ്റ്റുണ്ടായാൽ ഇടക്കാല ജാമ്യം നൽകണം
മുഹമ്മദ് സുബൈറിന് ഇടക്കാല ജാമ്യം; കസ്റ്റഡിയിൽ വയ്ക്കുന്നതിന് ന്യായീകരണമില്ലെന്ന് കോടതി, ഉടന്‍ പുറത്തിറങ്ങും
സ്വർണക്കടത്ത് കേസ്: ജാമ്യം തേടി സ്വപ്‌ന സുരേഷ് ഹൈക്കോടതിയിൽ