ഇഡി ഡയറക്ടറുടെ കാലാവധി നീട്ടാനുള്ള നീക്കം; ഹർജികളിൽ സുപ്രീംകോടതിയിൽ അന്തിമ വാദം
ഇഡി ഡയറക്ടറുടെ കാലാവധി അഞ്ച് വർഷം നീട്ടിനൽകാനുള്ള കേന്ദ്രസർക്കാർ തീരുമാനത്തിനെതിരായ ഹർജികളിൽ സുപ്രീംകോടതി ഇന്ന് അന്തിമ വാദം കേൾക്കും. എൻഫോഴ്‌സ്‌മെന്റ് ഡയറക്‌ടറേറ്റ് മേധാവി സഞ്ജയ് കുമാർ മിശ്രയ്‌ക്ക് മൂന്നാം തവണ കാലാവധി നീട്ടിനൽകിയതിനെ ചോദ്യം ചെയ്യുന്ന ഹർജിയിൽ ഡിസംബർ 12ന് സുപ്രീം കോടതി കേന്ദ്രസർക്കാരിൽ നിന്നും വിശദീകരണം തേടിയിരുന്നു. കോൺഗ്രസ് നേതാവ് ജയ താക്കൂർ നൽകിയ ഹർജിയിൽ, കേന്ദ്രത്തിനും സെൻട്രൽ വിജിലൻസ് കമ്മീഷനും ഇഡി ഡയറക്ടർക്കും നോട്ടീസ് അയച്ചിരുന്നു.
രാഷ്ട്രീയ എതിരാളികൾക്കെതിരെ കേന്ദ്ര ഏജൻസിയെ ദുരുപയോഗം ചെയ്ത് ജനാധിപത്യത്തിന്റെ അടിസ്ഥാനഘടനയെ തകർക്കുകയാണ് എന്നാണ് ഹർജിയിലെ ആരോപണം. രണ്ദീപ് സിംഗ് സുർജെ വാല, മഹുവ മൊയ്‌ത്ര തുടങ്ങിയ നേതാക്കളുടെ ഹർജികൾ കോടതിക്ക് മുന്നിൽ ഉണ്ട്. ഹർജികൾ സമ്മർദ്ദ തന്ത്രമാണെന്ന് കേന്ദ്രസർക്കാർ ആരോപിച്ചിരുന്നു. എന്നാൽ, രാഷ്ട്രീയം ഒഴിവാക്കി നിയമവശങ്ങൾ മാത്രം ഊന്നിയാണ് തന്റെ വാദങ്ങൾ എന്ന് അമിക്കസ്ക്യൂരി കെ. വി വിശ്വനാഥൻ കോടതിയെ അറിയിച്ചിട്ടുണ്ട്.
Read More
ഇ ഡി, സിബിഐ തലവൻമാരുടെ കാലാവധി അഞ്ച് വർഷത്തേക്ക് നീട്ടാൻ കേന്ദ്രത്തിന്റെ ഓർഡിനൻസ്
കർഷക പ്രതിഷേധക്കാരെ ഡൽഹിയിൽ നന്നും ഒഴിപ്പിക്കാനുള്ള ഹർജി; സുപ്രിം കോടതി നാളെ വാദം കേൾക്കും
ബിൽക്കിസ് ബാനോ കേസ്: വാദം കേൾക്കുന്നതിൽ നിന്ന് സുപ്രീം കോടതി ജഡ്ജി പിന്മാറി
നവാബ് മാലികിന്റെ എൻഫോഴ്‌സ്‌മെന്റ് കസ്റ്റഡി കാലാവധി ഏഴ് വരെ നീട്ടി