സഹപ്രവര്‍ത്തകന്റെ ഭാര്യയെ കുത്തിക്കൊലപ്പെടുത്തി സൈനികൻ, കൊലയ്ക്ക് പിന്നിൽ ഭാര്യയുടെ അവിഹിത ബന്ധം
ലഖ്നൗ: ഭാര്യയുമായി അവിഹിത ബന്ധം പുലര്‍ത്തിയ സഹപ്രവര്‍ത്തകന്റെ, ഭാര്യയെ കൊലപ്പെടുത്തി സൈനികൻ. സംഭവത്തിൽ കരസേനാ സൈനികനായ നിതീഷ് പാണ്ഡെയെ പൊലീസ് അറസ്റ്റ് ചെയ്തു. ഉത്തര്‍പ്രദേശിലെ ബറേലി ജില്ലയിലാണ് സംഭവം. എഎസ്പി രാഹുൽ ഭാട്ടി പറയുന്നത് ഇങ്ങനെ. കരസേനാ സൈനികൻ മനോജ് സേനാപതിയുടെ ഭാര്യ സുദേഷ്‌ണ കൊല്ലപ്പെട്ടതിന് പിന്നാലെ കാന്റ് പോലീസ് സ്റ്റേഷനിൽ കേസ് രജിസ്റ്റര്‍ ചെയ്തു. പ്രതിയെ ഈ സമയം തിരിച്ചറിഞ്ഞിരുന്നില്ല.
അന്വഷണത്തിനിടെ കൊലപാതകം നടന്ന പ്രദേശത്ത സിസിടിവി ദൃശ്യങ്ങൾ പൊലീസ് പരിശോധിച്ചു. ദൃശ്യങ്ങളുടെ അടിസ്ഥാനത്തിൽ സൈനിക ഉദ്യോഗസ്ഥരുടെ സഹായത്തോടെ സൈനികനെ പൊലീസ് അറസ്റ്റ് ചെയ്തുകയായിരുന്നു. സേനാപതിയുമായി തന്റെ ഭാര്യക്ക് അവിഹിത ബന്ധമുണ്ടെന്ന് തിരിച്ചറിഞ്ഞതോടെ വലിയ ദേഷ്യത്തിലായിരുന്നു നിതീഷ്.
മാര്‍ച്ച് 13-ന് സേനാപതിയുടെ വീട്ടിൽ നിതീഷ് എത്തിയപ്പോൾ അവിടെ ഉണ്ടായിരുന്നത് ഭാര്യ സുദേഷ്നയായിരുന്നു. തന്റെ ഭാര്യയുടെ ചിത്രങ്ങളും വീഡിയോകളും ഡിലീറ്റ് ചെയ്യാൻ ഭര്‍ത്താവിനെ വിളിച്ച് പറയാൻ സുദേഷ്നയോട് നിതീഷ് ആവശ്യപ്പെട്ടു. ഇത് കേട്ട് ദേഷ്യപ്പെട്ട സുദേഷ്ന നിതീഷുമായി തര്‍ക്കത്തിൽ ഏര്‍പ്പെട്ടു. തുടര്‍ന്ന് കത്തി ഉപയോഗിച്ച് സുദേഷ്നയെ കഴുത്തിലും ശരീരത്തിന്റെ മറ്റ് ഭാഗങ്ങളിലും നിതീഷ് കുത്തുകയായിരുന്നു. കുത്തിയ കത്തി രണ്ട് ദിവസം ബാഗിൽ സൂക്ഷിച്ച ശേഷം ഉപേക്ഷിക്കുകയായിരുന്നുവെന്ന് നിതീഷ് മൊഴി നൽകിയതായി പൊലീസ് അറിയിച്ചു.
Read More
ബിപിൻ റാവത്തിന്റെ പിൻഗാമിയായി സംയുക്ത സൈനിക മേധാവി സ്ഥാനത്തേക്ക് നരവണെ എത്തിയേക്കും
ദിലീപിന് സെക്‌സ് റാക്കറ്റുമായി ബന്ധം, കേസിൽ മഞ്ജുവിനെ കുടുക്കാൻ നോക്കി: പൾസർ സുനിയുടെ കത്ത് പുറത്ത്
കിളികൊല്ലൂർ പൊലീസ് മർദ്ദനം; വിഷ്ണുവിന്റെ വീട്ടിൽ പാങ്ങോട് സൈനിക ക്യാമ്പിലെ ഉദ്യോഗസ്ഥരെത്തി
സ്വാതന്ത്ര്യ ദിനാഘോഷം: പാകിസ്താൻ സൈനികർക്ക് മധുരം കൈമാറി ഇന്ത്യൻ സൈനികർ