ആറ്റുകാൽ പൊങ്കാല മികച്ച രീതിയിൽ സംഘടിപ്പിക്കാൻ സഹകരിച്ച എല്ലാവർക്കും നന്ദി: മന്ത്രി വി ശിവൻകുട്ടി
ആറ്റുകാൽ പൊങ്കാല മികച്ച രീതിയിൽ സംഘടിപ്പിക്കാൻ സഹകരിച്ച എല്ലാവർക്കും നന്ദി അറിയിച്ച് വിദ്യാഭ്യാസവകുപ്പ് മന്ത്രി വി ശിവൻകുട്ടി. തിരുവനന്തപുരം നഗരസഭ അധികൃതർ, ജീവനക്കാർ, പൊലീസ്, ട്രാഫിക്,വാട്ടർ അതോറിറ്റി, കെഎസ്ഇബി, ഫയർഫോഴ്സ്,കെ എസ് ആർ ടി സി, റെയിൽവേ മറ്റ് ഉദ്യോഗസ്ഥർ, തുടങ്ങി എല്ലാവർക്കും നന്ദി അറിയിക്കുന്നു. വിവിധ സ്ഥലങ്ങളിൽ നിന്ന് വന്നവർക്ക് സഹായങ്ങൾ നൽകിയ തിരുവനന്തപുരം നിവാസികൾക്കും നന്ദി അറിയിക്കുന്നതായി മന്ത്രി വി ശിവൻകുട്ടി പറഞ്ഞു.
ശുചീകരണ പ്രവർത്തനങ്ങൾക്ക് തുടർച്ചയായി രാത്രി 9 മണി മുതൽ റോഡുകൾ തിരുവനന്തപുരം നഗരസഭ കഴുകി വൃത്തിയാക്കുന്നു. സെക്രട്ടറിയേറ്റ് മുന്നിൽ നിന്നും പ്രവർത്തനങ്ങൾ ആരംഭിക്കുമെന്ന് അറിയിച്ചു.അതേസമയം നഗരത്തിലെത്തിയ ഭക്തജനങ്ങൾ പോകുന്ന മുറയ്ക്ക് പ്രദേശത്തെ സ്ഥലങ്ങൾ ഉടൻ വൃത്തിയാക്കും, ശുചികരണ പ്രവർത്തനങ്ങൾ ആരംഭിച്ചെന്ന് തിരുവനന്തപുരം മേയർ ആര്യ രാജേന്ദ്രൻ പറഞ്ഞു. കല്ലുകൾ ശേഖരിക്കാൻ പ്രത്യേക സന്നദ്ധപ്രവർത്തകരുണ്ട്.
കല്ലുകള്‍ക്കായി ഒരുപാട് അപേക്ഷകൾ ഇതിനകം ലഭിച്ചിട്ടുണ്ട്. പ്രയോരിറ്റി തീരുമാനിച്ച് അവര്‍ക്ക് നല്‍കും. വിധവകളായവര്‍, സാമ്പത്തികമായി പിന്നാക്കം നില്‍ക്കുന്നവര്‍ തുടങ്ങി നിരവധി പേരുണ്ട്.’ മേയര്‍ വിശദീകരിച്ചു.
ചുടുകട്ടകള്‍ ശേഖരിക്കാന്‍ പ്രത്യേകം വളണ്ടിയര്‍മാരെ നിയോഗിച്ചിട്ടുണ്ട്. യുവജന ക്ഷേമ ബോര്‍ഡ് വളണ്ടിയര്‍മാരെ നല്‍കാമെന്ന് പറഞ്ഞിട്ടുണ്ട്. എയിംസ് കോളേജിലെ എന്‍എസ്എസ് ടീം ഉണ്ട്. പ്രത്യേക ടീം ആണ് പ്രവര്‍ത്തി ചെയ്യുക’, മേയർ വ്യക്തമാക്കി.
ശേഖരിക്കുന്ന ചുടുകല്ലുകള്‍ ലൈഫ് പദ്ധതിക്കുള്ള ഭവനനിര്‍മ്മാണത്തിന് ഉപയോഗിക്കുമെന്ന് ആര്യ രാജേന്ദ്രന്‍ നേരത്തെ അറിയിച്ചിരുന്നു. ഇത് ശേഖരിക്കാന്‍ ശുചീകരണ വേളയില്‍ പ്രത്യേക വോളന്റീയര്‍മാരെയും സജ്ജീകരിക്കും. മുൻകാലങ്ങളിൽ ഇത്തരം പ്രവർത്തികൾ കണ്ടതിനെ തുടർന്നാണ് ഈ നീക്കം.പരമാവധി ഇടങ്ങളിൽ ഗ്രീൻ പ്രോട്ടോകോൾ പാലിക്കാൻ സാധിച്ചിട്ടുണ്ട്. 2400 പേരാണ് ശുചീകരണ പ്രവർത്തനങ്ങൾക്കായി രംഗത്തുള്ളത്.
Read More
ചുടുകട്ടകള്‍ ശേഖരിക്കാന്‍ പ്രത്യേക ടീം, നഗരത്തിലെ ശുചികരണ പ്രവർത്തനങ്ങൾ ആരംഭിച്ചു: ആര്യ രാജേന്ദ്രൻ
സംസ്‌ഥാനത്ത് സ്‌കൂളുകളിലെ ശുചീകരണം ഒക്‌ടോബർ 20 മുതൽ; മന്ത്രി വി ശിവൻകുട്ടി
ആറ്റുകാൽ പൊങ്കാല; 5.16 കോടി രൂപയുടെ പ്രവർത്തനങ്ങളാണ് നടത്തിയത്, ചുടുകല്ല് ലൈഫ് പദ്ധതിക്ക്; ആര്യ രാജേന്ദ്രൻ
കേരളത്തിലെ മികച്ച കോർപ്പറേഷനുള്ള പുരസ്കാരം മന്ത്രി എം.ബി.രാജേഷിൽ നിന്നും ഏറ്റുവാങ്ങി; അഭിമാനമെന്ന് ആര്യ രാജേന്ദ്രൻ