കൊച്ചിയില്‍ ഹോസ്റ്റല്‍ നോക്കാന്‍ സഹായം തേടിയ ബന്ധുവിനെ ബലാത്സംഗം ചെയ്തു; യുവാവ് പിടിയില്‍
ബന്ധുവായ യുവതിയെ എറണാകുളം ഇടപ്പള്ളിയില്‍ എത്തിച്ച് ബലാത്സംഗം ചെയ്ത കേസില്‍ യുവാവ് അറസ്റ്റിലായി. കുഴുപ്പള്ളി മുനമ്പം അയ്യാര്‍ വളവ് സ്വദേശി ജാനേന്ദാണ് പിടിയിലായത്. കഴിഞ്ഞ വര്‍ഷം മെയ് മാസമാണ് കേസിനാസ്പദമായ സംഭവം നടന്നത്. ഒളിവില്‍ കഴിഞ്ഞുവരികയായിരുന്ന ഇയാളെ പൊലീസ് കണ്ടെത്തി അറസ്റ്റ് രേഖപ്പെടുത്തുകയായിരുന്നു.
കൊച്ചിയില്‍ ഒരു ഹോസ്റ്റല്‍ നോക്കുന്നതിനായി സഹായം തേടിയ ബന്ധുവിനെയാണ് ജാനേന്ദ് ബലാത്സംഗം ചെയ്തത്. ഹോസ്റ്റല്‍ നോക്കി മടങ്ങുംവഴി അത്യാവശ്യമായി സുഹൃത്തിനെ കാണാനുണ്ടെന്ന് തെറ്റിദ്ധരിപ്പിച്ചാണ് ഇയാള്‍ യുവതിയെ ഇടപ്പള്ളിയിലുള്ള ഒരു വീട്ടിലെത്തിച്ചത്. ഇവിടെ വച്ച് പ്രതി യുവതിയെ പീഡിപ്പിക്കുകയായിരുന്നു.
തുടര്‍ന്ന് വീട്ടിലെത്തിയ പെണ്‍കുട്ടി വീട്ടുകാരോട് നടന്ന സംഭവങ്ങള്‍ വിവരിച്ചു. വീട്ടുകാരാണ് പൊലീസില്‍ പരാതി നല്‍കുന്നത്. തുടര്‍ന്ന് പോലീസ് കേസെടുത്ത് അന്വേഷണം ആരംഭിച്ചപ്പോഴേക്കും ജാനേന്ദ് ഒളിവില്‍ പോകുകയായിരുന്നു. ഇയാള്‍ക്കായി പൊലീസ് ലുക്ക് ഔട്ട് നോട്ടീസ് പുറത്തിറക്കിയിരുന്നു. മുനമ്പം സ്വദേശിയായ ജാനേന്ദിന് 28 വയസാണ്.
Read More
ഗര്‍ഭധാരണത്തിന് ചികിത്സ തേടിയ യുവതിയെ ബലാത്സംഗം ചെയ്തു, ആൾദൈവം മിര്‍ച്ചി ബാബ അറസ്റ്റിൽ
മകള്‍ ബലാത്സംഗം ചെയ്യപ്പെട്ടെന്ന പരാതി ബോധിപ്പിക്കാനെത്തിയ മാതാവിനെ ബലാത്സംഗം ചെയ്തു; പൊലീസുകാരന്‍ അറസ്റ്റില്‍
യുവതിയെ കൊലപ്പെടുത്തി മൃതദേഹം 35 കഷ്ണങ്ങളാക്കി, പലയിടത്തായി ഉപേക്ഷിച്ചു; പ്രതി പിടിയില്‍
പ്രായപൂര്‍ത്തിയാകാത്ത പെണ്‍കുട്ടിയെ ബലാത്സംഗം ചെയ്തു, യുവാവിന് 50 വര്‍ഷം കഠിന തടവും 60,000 രൂപ പിഴയും