ബഫർ സോൺ പിൻവലിക്കൽ പ്രകടന പത്രികയിൽ ഉൾപ്പെടുത്തണം ;കെ.സി.വൈ.എം
കേരളത്തിലെ മലയോര പ്രദേശങ്ങളെ ഒരു പോലെ ബാധിക്കുന്ന കേന്ദ്ര വനം പരിസ്ഥിതി കാലാവസ്ഥാ വ്യതിയാന മന്ത്രാലയം പുറപ്പെടുവിച്ച ബഫർ സോൺ കരട് വിജ്ഞാപനം ജനങ്ങളെ കടുത്ത ആശങ്കയിലാക്കിയിരിക്കുകയാണ്. വനപ്രദേശത്തോട് ചേർന്ന് കിടക്കുന്ന ജനവാസ കേന്ദ്രങ്ങൾ ഉൾപ്പെടെയുള്ള പ്രദേശങ്ങളാണ് ബഫർ സോൺ പ്രഖ്യാപനത്തിൽ പെടുന്നത്.ഈ പ്രഖ്യാപനം നിലവിൽ വരുന്ന സാഹചര്യമുണ്ടായാൽ വന്യമൃഗശല്യത്താൽ വലയുന്ന വയനാടൽ ജനത കൂടുതൽ ദുരിതത്തിലേക്ക് ആണ് അകപ്പെടുന്നത് . ഇതിനെതിരെ കെ.സി.വൈ.എം മാനന്തവാടി രൂപത ശക്തമായ പ്രതിഷേധ പരിപാടികളാണ് നടത്തി കൊണ്ടിരിക്കുന്നു . എന്നാൽ രാഷ്ട്രീയ പാർട്ടികൾ ഒന്നും തന്നെ ബഫർ സോണിനെതിരെ ശബ്ദമുയർത്താതിരിക്കുന്നത് ആശങ്കയുളവാക്കുന്നു. ജനജീവിതം സുരക്ഷിതമാക്കുന്നതിന് മുന്നിൽ നിൽക്കേണ്ട രാഷ്ട്രീയ നേതൃത്വങ്ങൾ സാധാരണക്കാരൻ്റെ ജീവനെ സാരമായി ബാധിക്കുന്ന ഈ പ്രഖ്യാപനത്തെ കൈയ്യും കെട്ടി നോക്കിയിരിക്കുന്നത് അതീവ ഖേദകരവുമാണെന്നും തെരഞ്ഞെടുപ്പ് മുന്നിൽ കണ്ടുകൊണ്ടാണ് നിശബ്ദത പാലിക്കുന്നതെങ്കിൽ അത് ജനങ്ങളോടുള്ള വഞ്ചനയാണെന്നും കെ.സി.വൈ.എം മാനന്തവാടി രൂപത സമിതി വിലയിരുത്തി.
രാഷ്ട്രീയ നേതൃത്വങ്ങൾ തെരഞ്ഞെടുപ്പ് പ്രചരണത്തിന് ഇറങ്ങുമ്പോൾ പ്രവർത്തന പട്ടികയിൽ ബഫർ സോൺ പിൻവലിക്കുന്ന ഉറപ്പുള്ള വാഗ്ദാനം ഉൾപ്പെടുത്തണമെന്നും, ഇല്ലായെങ്കിൽ അത് തെരഞ്ഞെടുപ്പിനെ രാഷ്ട്രീയ ഭേദമന്യേ പ്രതികൂലമായി ബാധിക്കുമെന്നും പ്രസിഡൻ്റ് ശ്രീ. ജിഷിൻ മുണ്ടക്കാതടത്തിൽn പ്രതികരിച്ചു.
ഡയറക്ടർ ഫാ. അഗസ്റ്റിൻ ചിറക്കത്തോട്ടത്തിൽ, വൈസ് പ്രസിഡൻ്റ് ഗ്രാലിയ വെട്ടുകാട്ടിൽ, ജനറൽ സെക്രട്ടറി ജിയോ മച്ചുകുഴി, സെക്രട്ടറിമാരായ റ്റെസിൻ വയലിൽ, ജസ്റ്റിൻ നീലംപറമ്പിൽ, ട്രഷറർ അഭിനന്ദ് കൊച്ചുമലയിൽ,കോർഡിനേറ്റർ ജിജിന കറുത്തേടത്ത് ,ആനിമേറ്റർ സി. സാലി CMC എന്നിവർ സംസാരിച്ചു.
