വിൻഡീസിനെ വൈറ്റ് വാഷ് ചെയ്യാൻ ഇന്ത്യ; മൂന്നാം ഏകദിനത്തിൽ റെക്കോർഡ് ലക്ഷ്യമിട്ട് രോഹിത്

വെസ്റ്റ് ഇൻഡീസിനെതിരായ മൂന്നാം ഏകദിനം ഇന്ന്. ആദ്യ രണ്ട് മത്സരങ്ങളും ജയിച്ച് പരമ്പര സ്വന്തമാക്കിയ ഇന്ത്യ സമ്പൂർണ ജയം തേടിയാണ് ഇന്നിറങ്ങുന്നത്. ഇന്ന് ജയിച്ച് പരമ്പര തൂത്തുവാരിയിൽ രോഹിത് ശർമക്ക് അപൂർവ റെക്കോർഡും സ്വന്തമാക്കാം.

നായകനായുള്ള ആദ്യ പരമ്പരയിൽ തന്നെ സമ്പൂർണ വിജയമെന്ന റെക്കോർഡാണ് രോഹിതിനെ കാത്തിരിക്കുന്നത്. കൂടാതെ 2015ന് ശേഷം ഇന്ത്യയിൽ ഏകദിന പരമ്പര തൂത്തുവാരുന്ന ആദ്യ നായകനെന്ന ഖ്യാതിയും രോഹിതിന് ലഭിക്കും. 2015ൽ ഇന്ത്യ ശ്രീലങ്കക്കെതിരെയാണ് ഏകദിന പരമ്പരയിൽ അവസാനമായി സമ്പൂർണ വിജയം നേടിയത്.

2017ൽ ശ്രീലങ്കയിൽവെച്ച് ഏകദിന പരമ്പരയിൽ ഇന്ത്യ സമ്പൂർണ വിജയം നേടിയിയിരുന്നു. ശ്രീലങ്ക, ന്യൂസിലാൻഡ്, സിംബാബ് വേ, ഇംഗ്ലണ്ട് എന്നീ ടീമുകൾക്കെതിരെയാണ് ഇന്ത്യ ഇതുവരെ സമ്പൂർണ വിജയം നേടിയിട്ടുള്ളത്. ഇന്ന് ജയിച്ചാൽ വിൻഡീസിനെതിരെ ഏകദിന പരമ്പരയിൽ സമ്പൂർണ വിജയം നേടിയ ആദ്യ ഇന്ത്യൻ നായകനെന്ന റെക്കോർഡും രോഹിതിന് സ്വന്തമാക്കാം.

Read More

പരമ്പര ലക്ഷ്യമിട്ട് ഇന്ത്യ ഇന്നിറങ്ങുന്നു; പരുക്കിന്റെ പിടിയിൽ ഓസീസ് രണ്ടാം ടെസ്റ്റ് ഇന്ന് വാണ്ടറേഴ്‌സിൽ; പരമ്പര ലക്ഷ്യമിട്ട് ടീം ഇന്ത്യ ഏകദിന പൂരത്തിന് ഇന്ന് തുടക്കം; ടെസ്റ്റ്, ടി20 പരമ്പരക്ക് പിന്നാലെ വൈറ്റ് വാഷ് പ്രതീക്ഷ വെച്ച് ഇന്ത്യ മൂന്നാം ടി20 ഇന്ന്: വൈറ്റ് വാഷിനായി ഇന്ത്യ, ആശ്വാസ ജയം തേടി ന്യൂസിലാൻഡ്