രാജ്യത്ത് ഡീസൽ വിലയിൽ വർധന; പെട്രോൾ വിലയിൽ മാറ്റമില്ല
രാജ്യത്തെ ഇന്ധന വിലയിൽ വീണ്ടും വർധന. ഡീസൽ വിലയിൽ 23 പൈസയുടെ വർധനയാണ് രേഖപ്പെടുത്തിയത്. എന്നാൽ പെട്രോൾ വിലയിൽ മാറ്റമില്ല. കഴിഞ്ഞ രണ്ടാഴ്ചയിലേറെയായി മാറ്റമില്ലതെ തുടർന്നിരുന്ന രാജ്യത്തെ ഇന്ധനവിലയിലാണ് ഇന്ന് വർധന രേഖപ്പെടുത്തിയത്.
പെട്രോളിന് ജൂലൈ 17നും ഡീസലിന് ജൂലൈ 15നുമാണ് അവസാനമായി വില വർധിപ്പിച്ചത്. കഴിഞ്ഞ ഒരു മാസത്തിനിടെ ഡീസലിന് 1.25 രൂപയും പെട്രോളിന് 58 പൈസയും കുറയുകയും ചെയ്തിരുന്നു. പുതിയ വില വർധനയോടെ കൊച്ചി നഗരത്തിൽ ഡീസലിന് 93.80 രൂപ എന്ന നിലയിലെത്തി.
