അടുത്ത 15 ദിവസത്തിനുള്ളിൽ 1.92 കോടി ഡോസ് വാക്‌സിൻ കൂടി സംസ്ഥാനങ്ങൾക്ക് നൽകുമെന്ന് കേന്ദ്രം
അടുത്ത 15 ദിവസത്തിനുള്ളിൽ സംസ്ഥാനങ്ങൾക്ക് 1.92 കോടി ഡോസ് വാക്‌സിനുകൾ കൂടി നൽകുമെന്ന് കേന്ദ്രം. മന്ത്രി പ്രകാശ് ജാവേദ്കറാണ് ഇക്കാര്യം അറിയിച്ചത്. സംസ്ഥാന-കേന്ദ്ര ഭരണ പ്രദേശങ്ങളിൽ വാക്‌സിൻ ക്ഷാമം റിപ്പോർട്ടു ചെയ്യുന്നതിനിടെയാണ് കൂടുതൽ വാക്‌സിൻ കൈമാറുമെന്ന് കേന്ദ്രം അറിയിച്ചത്.
മെയ് 16 മുതൽ 31 വരെയുള്ള കാലയളവിൽ 1.92 കോടി വാക്‌സിൻ ഡോസുകൾ സംസ്ഥാനങ്ങൾക്കും കേന്ദ്ര ഭരണ പ്രദേശങ്ങൾക്കുമായി നൽകും. ഇതിൽ 1.63 കോടി ഡോസ് കൊവിഷീൽഡും 29.49 ലക്ഷം ഡോസ് കൊവാക്‌സിനുമായിരിക്കും.
ലഭിക്കുന്ന വാക്‌സിൻ കാര്യക്ഷമമായി ഉപയോഗിക്കാനും വാക്‌സിൻ പാഴാക്കൽ പരമാവധി കുറയ്ക്കാനും കേന്ദ്രം നിർദേശിച്ചു. രാജ്യത്ത് കഴിഞ്ഞ 114 ദിവസം കൊണ്ട് 17 കോടി ഡോസ് വാക്‌സിനുകൾ വിതരണം ചെയ്തുവെന്നും കേന്ദ്രം അറിയിച്ചു.
Read More
മൂന്നാംഘട്ട വാക്‌സിനേഷൻ മാർച്ചിൽ ആരംഭിക്കും; 27 കോടി പേർക്ക് വാക്‌സിൻ നൽകും
സംസ്ഥാനത്തേക്ക് ഇന്ന് നാല് ലക്ഷം കൊവിഡ് വാക്‌സിനുകൾ കൂടിയെത്തും
62 കോടി ഡോസ് വാക്‌സിന് ലഭിക്കും; സെന്‍ട്രല്‍ വിസ്തയ്ക്ക് ചെലവഴിക്കുന്ന 20,000 കോടി രൂപയുണ്ടെങ്കില്‍: പ്രിയങ്ക ഗാന്ധി
കേന്ദ്ര ബജറ്റ് 2021-22: ആരോഗ്യമേഖലയില്‍ 2 ലക്ഷം കോടി; കൊവിഡ് വാക്‌സിന് 35,000 കോടി