മറ്റൊരു അലൈന്മെന്റിലൂടെ റോഡ് നിർമ്മിക്കാൻ കഴിയുമോ; സ്കൂൾ പൊളിക്കുന്നത് തടഞ്ഞ് സുപ്രീം കോടതി
ദില്ലി: ദേശീയ പാതയുടെ വികസനവുമായി ബന്ധപ്പെട്ട് തൃശൂർ ജില്ലയിലെ ഇടമുട്ടം യു പി സ്കൂൾ പൊളിക്കുന്നത് താത്കാലികമായി തടഞ്ഞ് സുപ്രീം കോടതി. ജസ്റ്റിസുമാരായ എ എസ് ബൊപ്പണ്ണ, സഞ്ജയ് കരോൾ എന്നിവർ അടങ്ങിയ ബെഞ്ചിൻ്റെയാണ് നിർദ്ദേശം. സ്കൂൾ കെട്ടിടം ഒഴിവാക്കി മറ്റൊരു അലൈന്മെന്റിലൂടെ റോഡ് നിർമ്മിക്കാൻ കഴിയുമോ എന്ന കാര്യം പരിശോധിക്കാൻ ദേശീയ പാത അതോറിറ്റിക്ക് സുപ്രീം കോടതി നിർദേശം നൽകി. ദേശീയപാത 66 ൻ്റെ വികസനവുമായി ബന്ധപ്പെട്ടാണ് സ്കൂൾ പൊളിക്കാൻ തീരുമാനിച്ചത്.
1911 മുതൽ പ്രവർത്തിക്കുന്ന സ്കൂൾ പ്രദേശത്തെ സാമ്പത്തികവും, സാമൂഹികവുമായി പിന്നാക്കം നിൽക്കുന്ന കുടുംബങ്ങളിലെ വിദ്യാർത്ഥികൾ ആശ്രയിക്കുന്ന വിദ്യാലയമാണെന്ന് സ്കൂൾ മാനേജർ സൂര്യകുമാറിന് വേണ്ടി ഹാജരായ സീനിയര്‍ അഭിഭാഷകന്‍ നാഗമുത്തു, അഭിഭാഷകൻ എം ആർ അഭിലാഷ് എന്നിവർ ചൂണ്ടിക്കാട്ടി. തുടർന്ന് സ്‌കൂളിന്റെ എതിർ വശത്തുള്ളസ്ഥലം ഏറ്റെടുത്ത് ദേശീയ പാത വികസിപ്പിച്ച് കൂടെയെന്ന് സുപ്രീം കോടതി ചോദിച്ചു. ഈക്കാര്യം വിശദമായി പരിശോധിച്ച് നിലപാട് അറിയിക്കാൻ അതോറിറ്റിക്ക് സുപ്രീം കോടതി നിർദ്ദേശം നൽകി.
Read More
പുതിയ പാർലമെന്റ് മന്ദിരത്തിന്റെ നിർമാണം തടഞ്ഞ് സുപ്രീം കോടതി; ഇനിയൊരു വിധിയുണ്ടാകുന്നതുവരെ പണി നടത്തരുത്
ജീവിക്കാനുള്ള അവകാശം എല്ലാവർക്കുമുണ്ട്; സിദ്ധിഖ് കാപ്പന്റെ ഉത്തരവിൽ സുപ്രീം കോടതി
രാജ്യത്തെ ജനങ്ങൾ ഓക്‌സിജൻ കിട്ടാതെ പരക്കം പായുന്നു; ആശങ്ക പങ്കുവെച്ച് സുപ്രീം കോടതി
ലാവ്‌ലിൻ കേസ് ദസറ അവധിക്ക് ശേഷം നവംബർ 5ന് സുപ്രീം കോടതി പരിഗണിക്കും