വിഗ്രഹ നിമഞ്ജനത്തിനിടെ മിന്നല്‍ പ്രളയം; പശ്ചിമബംഗാളില്‍ 8 പേര്‍ മുങ്ങിമരിച്ചു
പശ്ചിമ ബംഗാളില്‍ വിഗ്രഹ നിമഞ്ജനത്തിനിടെയുണ്ടായ മിന്നല്‍ പ്രളയത്തില്‍ 8 പേര്‍ മുങ്ങിമരിച്ചു. ജല്‍പയ്ഗുരി ജില്ലയില്‍ ബുധനാഴ്ച രാത്രിയോടെയാണ് സംഭവം. ദുര്‍ഗാപൂജയുടെ ഭാഗമായി നടത്തിയ വിഗ്രഹനിമഞ്ജനത്തിനിടെയാണ് ദാരുണ അപകടമുണ്ടായത്.
ഒഴുക്കില്‍പ്പെട്ട് നിരവധി പേരെ കാണാതായി. മരിച്ചവരില്‍ നാല് പേര്‍ സ്ത്രീകളാണ്. നൂറുകണക്കിനാളുകള്‍ നദിക്കരയില്‍ നടന്ന ചടങ്ങില്‍ പങ്കെടുത്തിരുന്നു. ഇതിനിടയാണ് ശക്തമായ മിന്നല്‍പ്രളയമുണ്ടായത്. അന്‍പതോളം പേരെ രക്ഷപെടുത്തിയെന്നും ഇനിയും നിരവധി പേരെ കണ്ടെത്താനുണ്ടെന്നും പൊലീസ് പറഞ്ഞു. പരുക്കേറ്റ 13 പേരെ അടുത്തുള്ള ആശുപത്രിയില്‍ പ്രവേശിപ്പിച്ചിരിക്കുകയാണ്.
സ്ഥലത്ത് എന്‍ഡിആര്‍എഫ്, എസ്ഡിആര്‍എഫ് സംഘങ്ങളും പൊലീസും പ്രാദേശിക ഭരണകൂടവും രക്ഷാപ്രവര്‍ത്തനങ്ങള്‍ ഊര്‍ജിതമാക്കിയിരിക്കുകയാണ്.
Read More
കൊച്ചി നഗരത്തില്‍ പൊലീസിന്റെ മിന്നല്‍ പരിശോധന, ഏഴ് നർക്കോട്ടിക് കേസുകൾ രജിസ്റ്റർ ചെയ്തു, എംഡിഎംഎ പിടികൂടി
ഡെങ്കിപ്പനി നിരക്ക് കൂടുന്നു; പശ്ചിമബംഗാളില്‍ ഇന്നലെ മാത്രം റിപ്പോര്‍ട്ട് ചെയ്തത് 840 കേസുകള്‍
ഉത്തരാഖണ്ഡിലെ മിന്നൽ പ്രളയം: കാണാതായ 136 പേരെയും മരിച്ചതായി പ്രഖ്യാപിച്ചു
ബസില്‍ സ്റ്റാലിന്‍റെ മിന്നല്‍ സന്ദര്‍ശനം; അമ്പരന്ന് യാത്രക്കാര്‍