നിലപാടിലുറച്ച് കർഷകർ; കേന്ദ്രസർക്കാരുമായി അഞ്ചാംവട്ട ചർച്ച ആരംഭിച്ചു
സമരം ശക്തമാകുന്നതിനിടെ ഡൽഹിയിൽ കർഷക സംഘടനകളുടെ പ്രതിനിധികളുമായി കേന്ദ്രസർക്കാരിന്റെ അഞ്ചാം വട്ട ചർച്ച ആരംഭിച്ചു. കൃഷി മന്ത്രി നരേന്ദ്ര സിംഗ് തോമർ, വാണിജ്യമന്ത്രി പീയുഷ് ഗോയൽ തുടങ്ങിയവർ ചർച്ചയിൽ പങ്കെടുക്കുന്നുണ്ട്
നിയമഭേദഗതി എന്ന ഒത്തുതീർപ്പിന് സർക്കാർ വഴങ്ങിയേക്കുമെന്നാണ് അറിയുന്നത്. ചർച്ചക്ക് മുന്നോടിയായി പ്രധാനമന്ത്രി നരേന്ദ്ര മോദി, ആഭ്യന്തര മന്ത്രി അമിത് ഷാ, പ്രതിരോധ മന്ത്രി രാജ്‌നാഥ് സിംഗ് എന്നിവർ കൂടിക്കാഴ്ച നടത്തിയിരുന്നു. വിഷയം ലോകരാഷ്ട്രങ്ങൾക്കിടയിലും ചർച്ചയാകുന്നതിനിടെ ആയിരുന്നു കൂടിക്കാഴ്ച
കർഷകർ പോസിറ്റീവായി ചിന്തിക്കുകയും സമരത്തിൽ നിന്ന് പിൻമാറുകയും ചെയ്യുമെന്നാണ് താൻ കരുതുന്നതെന്ന് കൃഷിമന്ത്രി നരേന്ദ്ര സിംഗ് തോമർ ചർച്ചക്ക് മുന്നോടിയായി പ്രതികരിച്ചു. അതേസമയം കാർഷിക നിയമങ്ങൾ പൂർണമായി പിൻവലിക്കണമെന്ന നിലപാടിലുറച്ചാണ് കർഷകരുള്ളത്
പാർലമെന്റ് വളയും എന്നതടക്കമുള്ള മുന്നറിയിപ്പുകളും കർഷകർ നൽകി കഴിഞ്ഞു. എട്ടാം തീയതി ഭാരത് ബന്ദിനും കർഷകർ ആഹ്വാനം ചെയ്തിട്ടുണ്ട്.
Read More
ദില്ലി ചലോ മാർച്ച് ആറാം ദിവസത്തിലേക്ക്; കർഷക സംഘടനകളുമായി കേന്ദ്രസര്‍ക്കാര്‍ ഇന്ന് ചര്‍ച്ച നടത്തിയേക്കും
കേന്ദ്രം വഴങ്ങിയില്ലെങ്കിൽ റിപബ്ലിക് ദിന പരേഡിൽ അണിനിരക്കുമെന്ന് കർഷകരുടെ മുന്നറിയിപ്പ്
കാർഷിക പരിഷ്‌കരണ ബില്ലുകൾ രാജ്യസഭയിൽ അവതരിപ്പിച്ചു; കർഷകരുടെ മരണവാറണ്ടെന്ന് പ്രതിപക്ഷം
കാർഷിക നിയമങ്ങൾ പിൻവലിക്കുകയല്ലാതെ മറ്റൊരു ഉപാധിക്കും തയ്യാറല്ല; നിലപാടിലുറച്ച് കർഷകർ