വെല്ലുവിളി ഏറ്റെടുത്ത് മമത; നന്ദിഗ്രാമിൽ മത്സരിക്കും, 291 മണ്ഡലങ്ങളിലെ സ്ഥാനാർഥികളെ പ്രഖ്യാപിച്ചു

ബംഗാൾ നിയമസഭാ തെരഞ്ഞെടുപ്പിനുള്ള തൃണമൂൽ സ്ഥാനാർഥികളെ പ്രഖ്യാപിച്ചു. തൃണമൂൽ വിട്ട സുവേന്ദു അധികാരിയുടെ വെല്ലുവിളി ഏറ്റെടുത്ത മമതാ ബാനർജി നന്ദിഗ്രാമിൽ മത്സരിക്കുമെന്ന് ഉറപ്പായി. നന്ദിഗ്രാമടക്കം, 291 മണ്ഡലങ്ങളിലെ സ്ഥാനാർഥികളെയാണ് പ്രഖ്യാപിച്ചത്.

സ്ഥാനാർഥി പട്ടികയിൽ 50 പേർ സ്ത്രീകളാണ്. 45 പേർ മുസ്ലിം വിഭാഗത്തിൽ നിന്നും 79 പേർ പട്ടിക ജാതി വിഭാഗത്തിൽ നിന്നും 17 പേർ പട്ടിക വർഗ വിഭാഗത്തിൽ നിന്നുമുള്ളവരാണ്.

എട്ട് ഘട്ടങ്ങളിലായാണ് ബംഗാളിൽ തെരഞ്ഞെടുപ്പ് നടക്കുന്നത്. 294 അംഗ നിയമസഭയിൽ 291 സീറ്റിലും തൃണമൂൽ തനിച്ച് മത്സരിക്കും. മൂന്ന് സീറ്റുകൾ മാത്രമാണ് ഘടക കക്ഷികൾക്ക് നൽകിയിരിക്കുന്നത്. മമത സ്ഥിരമായി മത്സരിച്ചിരുന്ന ഭവാനിപൂർ മണ്ഡലത്തിൽ സോവൻദേബ് ചാറ്റർജിയാണ് സ്ഥാനാർഥി

സുവേന്ദു അധികാരിയാണ് നന്ദിഗ്രാമിലെ സിറ്റിംഗ് എംഎൽഎ. തൃണമൂൽ വിട്ടതിന് പിന്നാലെ നന്ദിഗ്രാമിൽ വന്ന് മത്സരിക്കാൻ സുവേന്ദു മമതയെ വെല്ലുവിളിച്ചിരുന്നു.

Read More

മമതയെ പൂട്ടാൻ ഗാംഗുലി വരുമോ;ബംഗാളിൽ ബിജെപിയുടെ ആദ്യഘട്ട സ്ഥാനാർഥി പട്ടിക ഇന്ന് ബംഗാളിൽ തൃണമൂലിന്റെ സ്ഥാനാർഥികളെ മമത ഇന്ന് പ്രഖ്യാപിക്കും ഇറക്കുമതി സ്ഥാനാർഥികളെ വേണ്ട; കൽപ്പറ്റയിൽ കോൺഗ്രസ് നേതൃത്വത്തിനെതിരെ പോസ്റ്ററുകൾ ത്രിതല – നഗരസഭ തെരഞ്ഞെടുപ്പിൽ ഒ ഐ ഒ പിയുടെയും, കാർഷിക പുരോഗമന മുന്നണിയുടെയും പിന്തുണയോടെ മത്സരിക്കുന്ന സ്വതന്ത്ര സ്ഥാനാർഥികളെ വിജയിപ്പിക്കണമെന്ന് ഒഐ ഒ പി ( വൺ ഇന്ത്യ വൺ പെൻഷൻ ) സുൽത്താൻ ബത്തേരി നിയോജക മണ്ഡലം കമ്മറ്റി ഭാരവാഹികൾ ബത്തേരിയിൽ വാർമ്മേളനത്തിൽ അഭ്യർത്ഥിച്ചു