പണയം വെച്ച് 80,000 രൂപ വാങ്ങിയവർ രണ്ടാമതും എത്തിയപ്പോൾ കുടുങ്ങി; വൻ തട്ടിപ്പിന് രണ്ട് യുവാക്കള്‍ അറസ്റ്റില്‍
ആലപ്പുഴ: മുക്കുപണ്ടം പണയം വെച്ച് പണം തട്ടിയ രണ്ട് യുവാക്കള്‍ പിടിയില്‍. വീയപുരം പൊളൈറ്റ് ബാങ്കേഴ്സ് എന്ന ഫിനാൻഷ്യൽ സ്ഥാപനത്തിൽ ജെയ്സൺ എന്നയാളെ തെറ്റിദ്ധരിപ്പിച്ച് 19.50 ഗ്രാം തൂക്കം വരുന്ന മുക്ക് പണ്ടം പണയം വെച്ച് 80,000 രൂപ കൈപ്പറ്റിയ പ്രതികള്‍ പിടിയില്‍. കൊല്ലം ആദിനാട് പുത്തന്‍വീട്ടില്‍ ഗുരുലാല്‍ (31), ആലപ്പുഴ അവലൂക്കുന്ന് വെളിയില്‍ ഹൗസില്‍ അജിത് (29) എന്നിവരാണ് പിടിയിലായത്.
പ്രതികൾ രണ്ടാം തവണയും മുക്കുപണ്ടം പണയം വച്ച് പണം എടുക്കാൻ ശ്രമിക്കുന്നതിടെയാണ് പിടിയിലാകുന്നത്. ഇന്‍സ്പെക്ടര്‍ എസ്എച്ച് ഒ മനു പി മേനോന്‍, എസ്.ഐ ബൈജു, എസ് സി പി ഒ അനീഷ്, സിപിഒ രഞ്ജിത്ത് എന്നിവരുടെ നേതൃത്വത്തിലായിരുന്നു അറസ്റ്റ്. ഹരിപ്പാട് കോടതിയിൽ ഹാജരാക്കിയ പ്രതികളെ റിമാന്റ് ചെയ്തു.
Read More
മുക്കുപണ്ടം വെച്ച് പണം തട്ടിയ കേസിലെ പ്രതിയെ അമ്പലക്കുളത്തിൽ മരിച്ച നിലയിൽ കണ്ടെത്തി
മുക്കുപണ്ടക്കേസ് പ്രതികളെ കണ്ട് സംശയം; പുറത്ത് വന്നത് മറ്റൊരു വമ്പന്‍ തട്ടിപ്പ്, യുവാവ് അറസ്റ്റില്‍
ഇലന്തൂരിലെ നരബലി; കൊല്ലപ്പെട്ട പത്മയുടെ സ്വർണ്ണം പണയം വെച്ചിരുന്ന നിലയിൽ കണ്ടെത്തി
തൃശൂരില്‍ 116 ഗ്രാം എം.ഡി.എം.എയുമായി രണ്ട് പേര്‍ പിടിയില്‍