കൊവിഡ് കേസുകളിൽ 35 ശതമാനവും വീടുകളിലെ സമ്പർക്കം വഴിയെന്ന് ആരോഗ്യമന്ത്രി

സംസ്ഥാനത്തെ നിലവിലെ കൊവിഡ് കേസുകളിൽ 35 ശതമാനവും വീടുകളിലെ സമ്പർക്കത്തിലൂടെയെന്ന് ആരോഗ്യമന്ത്രി വീണ ജോർജ്. ഹോം ക്വാറന്റൈൻ നടപ്പാക്കുന്നതിൽ വരുന്ന വീഴ്ചയാണ് ഇതിന് കാരണം. വീട്ടിൽ ഒരാൾക്ക് കൊവിഡ് വന്നാൽ ആ വീട്ടിലെ എല്ലാവർക്കും കൊവിഡ് വരുന്ന അവസ്ഥയാണ്.

ഹോം ക്വാറന്റൈൻ കൃത്യമായി പാലിക്കാത്തതാണ് ഇതിന് കാരണം. വീട്ടിൽ സൗകര്യമുള്ളവർ മാത്രമേ ഹോം ക്വാറന്റൈനിൽ കഴിയാവൂ. അല്ലാത്തവർക്ക് ഇപ്പോഴും ഡിസിസികൾ ലഭ്യമാണ്. ഹോം ക്വാറന്റൈനിൽ കഴിയുന്നവർ മുറിയിൽ നിന്ന് പുറത്തിറങ്ങരുത്. വീട്ടിലുള്ള എല്ലാവരും മാസ്‌ക് ധരിക്കണം.

രോഗി ഉപയോഗിച്ച പാത്രങ്ങളോ സാധനങ്ങളോ മറ്റാരും ഉപയോഗിക്കരുത്. ഇടക്കിടക്ക് കൈകൾ സോപ്പ് ഉപയോഗിച്ച് കഴുകേണ്ടതാണ്. ഓരോ വീട്ടിലും കൊവിഡ് എത്താതിരിക്കാനാണ് ശ്രദ്ധിക്കേണ്ടതെന്നും മന്ത്രി പറഞ്ഞു.

Read More

1083 കേസുകളിൽ 902 എണ്ണവും സമ്പർക്കത്തിലൂടെ; നാല് ജില്ലകളിൽ രോഗബാധിതരുടെ എണ്ണം നൂറിന് മുകളിൽ കൊവിഡ് രോഗികളുമായി സമ്പർക്കത്തിൽ വന്ന എല്ലാവർക്കും ക്വാറന്റൈൻ വേണ്ട; പ്രോട്ടോക്കോളിൽ മാറ്റം ഇന്ന് 706 സമ്പർക്ക രോഗികൾ, 35 പേരുടെ ഉറവിടം വ്യക്തമല്ല; തലസ്ഥാനത്ത് രോഗികളുടെ എണ്ണം ഇന്നും 200 കടന്നു സമ്പർക്ക രോഗികൾ ദിനംപ്രതി വർധിക്കുന്നു; ഇന്ന് 798 കേസുകൾ