ചെയ്യാൻ പറ്റുന്നതേ പറയൂ, പറഞ്ഞാൽ അത് ചെയ്തിരിക്കും: വികസന നേട്ടങ്ങൾ എണ്ണിപ്പറഞ്ഞ് മുഖ്യമന്ത്രി

തെരഞ്ഞെടുപ്പ് തീയതി പ്രഖ്യാപിച്ചതിന് പിന്നാലെ എൽ ഡി എഫ് സർക്കാരിന്റെ വികസന നേട്ടങ്ങൾ എണ്ണിയെണ്ണി പറഞ്ഞ് മുഖ്യമന്ത്രി പിണറായി വിജയൻ. എൽ ഡി എഫ് തെരഞ്ഞെടുപ്പ് ജാഥ സമാപന യോഗത്തിലായിരുന്നു മുഖ്യമന്ത്രിയുടെ വാക്കുകൾ

നടക്കില്ലെന്ന് പറഞ്ഞ പല വികസന പദ്ധതികളും യാഥാർഥ്യമായി. ജനങ്ങളാണ് നേട്ടങ്ങളുടെ യഥാർഥ അവകാശികൾ. തടസ്സങ്ങൾ സൃഷ്ടിക്കാൻ നിന്നവർക്ക് തെറ്റുപറ്റി. പഴയ സർക്കാരല്ലെന്ന് അവർക്ക് ബോധ്യമായി. ചെയ്യാൻ പറ്റുന്നതേ പറയൂ. പറഞ്ഞാൽ അത് ചെയ്തിരിക്കും

കോൺഗ്രസാണ് ആഴക്കടൽ മത്സ്യബന്ധനത്തിന് അനുകൂലമായ നിലപാട് എടുത്തതെന്നും മുഖ്യമന്ത്രി പറഞ്ഞു. കേന്ദ്രസർക്കാരിന് കൃത്യമായി ഇക്കാര്യത്തിലെ എൽഡിഎഫ് നയം അറിയിച്ചിട്ടുണ്ട്. കെഎസ്‌ഐഎൻസി ധാരണാപത്രം ഒപ്പിട്ടത് സർക്കാർ അറിഞ്ഞില്ല.

പ്രശാന്ത് ഐഎഎസിനെതിരായ പരാതി അന്വേഷിക്കും. മാധ്യമപ്രവർത്തകയോട് സഭ്യമല്ലാത്ത രീതിയിൽ സംസാരിച്ചുവെന്ന പരാതിയാണ് അന്വേഷിക്കുകയെന്നും മുഖ്യമന്ത്രി പറഞ്ഞു.

Read More

കേരളത്തിലെ വികസന പദ്ധതികൾ ചർച്ച ചെയ്യാൻ മുഖ്യമന്ത്രി പിണറായി വിജയനെ ഡൽഹിയിലേക്ക് ക്ഷണിച്ച് നിതിൻ ഗഡ്‌കരി എൽ ഡി എഫിന്റെ വികസന മുന്നേറ്റ ജാഥ 13ന് തുടങ്ങും; മുഖ്യമന്ത്രി ഉദ്ഘാടനം ചെയ്യും ലൈഫ് സമാനതകളില്ലാത്ത പാർപ്പിട വികസന പദ്ധതി; രണ്ടര ലക്ഷം വീടുകളുടെ പൂർത്തീകരണം അഭിമാനകരമെന്ന് മുഖ്യമന്ത്രി കുപ്രചാരണങ്ങൾ കൊണ്ട് എൽ ഡി എഫിനെ തകർക്കാനാകില്ലെന്ന് മുഖ്യമന്ത്രി; വികസന മുന്നേറ്റ യാത്രക്ക് തുടക്കം