പോത്തൻകോട് സുധീഷ് വധം: മുഖ്യപ്രതി ഒട്ടകം രാജേഷ് കോയമ്പത്തൂരിൽ പിടിയിൽ
പോത്തൻകോട് സുധീഷ് വധക്കേസിലെ മുഖ്യപ്രതിയായ ഒട്ടകം രാജേഷ് പിടിയിൽ. തമിഴ്‌നാട്ടിൽ നിന്നുമാണ് രാജേഷിനെ അന്വേഷണ സംഘം പിടികൂടിയത്. ഇതോടെ കേസിലെ 11 പ്രതികളും അറസ്റ്റിലായി. സുധീഷ് വധക്കേസിൽ രണ്ടാം പ്രതിയാണ് രാജേഷ്. കഴിഞ്ഞ ദിവസം ഇയാളെ തെരഞ്ഞുപോയ പോലീസ് സംഘത്തിന്റെ വള്ളം മറിഞ്ഞ് ഒരു പോലീസുകാരൻ മരിച്ചിരുന്നു.
തിങ്കളാഴ്ച പുലർച്ചെ കോയമ്പത്തൂരിൽ നിന്നാണ് രാജേഷിനെ പിടികൂടിയത്. സുധീഷ് കൊല്ലപ്പെട്ട് ഒമ്പത് ദിവസത്തിനുള്ളിൽ തന്നെ കേസിലെ എല്ലാ പ്രതികളും ഇതോടെ അറസ്റ്റിലായി. കഴിഞ്ഞ ദിവസം ഒട്ടകം രാജേഷ് അഞ്ചുതെങ്ങിലെ ഒരു തുരുത്തിൽ ഒളിവിൽ കഴിയുന്നതായി പോലീസിന് സന്ദേശം ലഭിച്ചിരുന്നു. ഇതേ തുടർന്നാണ് പോലീസ് സംഘം വള്ളത്തിൽ തുരുത്തിലേക്ക് പോയതും വള്ളം മറിഞ്ഞ് പോലീസുകാരൻ മരിച്ചതും.
Read More
സുധീഷ് വധം: ഒട്ടകം രാജേഷിനെ തെരഞ്ഞുപോയ പോലീസ് സംഘത്തിന്റെ വള്ളം മുങ്ങി; പോലീസുകാരൻ മരിച്ചു
പോത്തൻകോട് കൊലപാതകത്തിന് പിന്നിൽ ഒട്ടകം രാജേഷും സംഘവും; ഒരാൾ കസ്റ്റഡിയിൽ
പോത്തൻകോട് കൊലപാതകം: കൊലയാളി സംഘത്തിൽ സുധീഷിന്റെ സഹോദരി ഭർത്താവും
സന്ദീപ്കുമാർ വധം: അഞ്ചാം പ്രതി അഭിയും കസ്റ്റഡിയിൽ; പിടിയിലായത് എടത്വയിൽ നിന്ന്