മുക്കത്ത് വയോധികയെ പീഡിപ്പിക്കുകയും മോഷണത്തിന് ഇരയാക്കുകയും ചെയ്ത കേസിലെ പ്രതി പിടിയിൽ

കോഴിക്കോട് മുക്കം മുത്തേരിയിൽ വയോധികയെ പീഡിപ്പിക്കുകയും മോഷണത്തിന് ഇരയാക്കുകയും ചെയ്ത കേസിലെ പ്രതി പിടിയിൽ. കൊണ്ടോട്ടി സ്വദേശി മുജീബ് എന്നയാളാണ് പിടിയിലായത്. രണ്ടാഴ്ച മുമ്പാണ് 65കാരി പീഡനത്തിനും മോഷണത്തിനും ഇരയായത്.

ഓമശ്ശേരിയിലേക്ക് ഹോട്ടൽ ജോലിക്ക് പോകുന്നതിനിടെ പുലർച്ചെ ആറ് മണിയോടെയായിരുന്നു സംഭവം. പ്രതി ഓടിച്ച ഓട്ടോറിക്ഷയിൽ കയറിയ വയോധികയെ ഇയാൾ ബോധം കെടുത്തിയ ശേഷം പീഡിപ്പിക്കുകയായിരുന്നു. തുടർന്ന് ആഭരണങ്ങളും പണവും കവർന്നു.

ഓട്ടോയാത്രക്കിടെ വാഹനത്തിന് തകരാറുണ്ടെന്ന് പറഞ്ഞ് നിർത്തുകയും ബോധം കെടുത്തിയ ശേഷം കെട്ടിയിട്ട് പീഡിപ്പിക്കുകയുമായിരുന്നു. അവശനിലയിലായ വയോധികയെ ഉപേക്ഷിച്ച് ഇയാൾ കടന്നുകളയുകയും ചെയ്തു. ബോധം വന്നപ്പോൾ ഇവർ സമീപത്തെ ഒരു വീട്ടിൽ അഭയം തേടുകയായിരുന്നു. കൈകളിലെ കെട്ട് അഴിച്ചു നൽകിയതും വസ്ത്രം നൽകിയും ഈ വീട്ടുകാർ ആയിരുന്നു.

Read More

ഷംന കാസിമിനെ ബ്ലാക്ക് മെയിൽ ചെയ്ത കേസിലെ മുഖ്യപ്രതി അറസ്റ്റിൽ വെള്ളമുണ്ട പത്താം ക്ലാസ് വിദ്യാർത്ഥിയെ ആത്മഹത്യ ചെയ്ത നിലയിൽ കണ്ടെത്തി സംസ്ഥാനത്ത് ഒരു കൊവിഡ് മരണം കൂടി; പെരുമ്പാവൂരിൽ ഇന്നലെ മരിച്ചയാൾക്ക് രോഗം സ്ഥിരീകരിച്ചു, എറണാകുളത്തെ മൂന്നാമത്തെ മരണം 12വയസ്സുകാരിയെ ബലാല്‍സംഗം ചെയ്ത കേസില്‍ 14 കാരനെ പോലിസ് അറസ്റ്റ് ചെയ്തു; സംഭവം നോയിഡയിൽ