കൊച്ചി കോർപ്പറേഷനിലെ യുഡിഎഫ് അവിശ്വാസ പ്രമേയം പരാജയപ്പെട്ടു

കോർപ്പറേഷനിൽ അവിശ്വാസ പ്രമേയം വിട്ടുനിന്ന് തോൽപ്പിച്ച് ഇടതുമുന്നണി. അഞ്ച് ബിജെപി അംഗങ്ങളും ഇന്ന് ഹാജരായില്ല. മുപ്പത്തിയേഴ് അംഗങ്ങൾ എത്താത്തതിനാൽ അവിശ്വാസം ചർച്ചയ്ക്ക് എടുക്കാൻ കഴിയില്ലെന്ന് ജില്ലാ കളക്ടർ അറിയിച്ചു. 32 അംഗങ്ങളാണ് യുഡിഎഫിൽ ഉള്ളത്. എന്നാൽ 28 മാത്രമാണ് ഇന്ന് ഹാജരായത്. യുഡിഎഫിൽ തന്നെ നാല് പേരുടെ പിന്തുണ നഷ്ടപ്പെടുകയും ചെയ്തു.

യുഡിഎഫിന് 32 പേരായിരുന്നു കഴിഞ്ഞ തവണ മേയർ തിരഞ്ഞെടുപ്പിൽ വോട്ട് ചെയ്തിരുന്നത്. അത് 28 ആയി കുറഞ്ഞിട്ടുണ്ട്. ഒരു കോൺഗ്രസ് കൗൺസിലർ എത്തിയില്ല. ടിബിൻ ദേവസ്യ എന്ന കോൺഗ്രസ് കൗൺസിലറാണ് എത്താതിരുന്നത്. നിലവിൽ കോർപ്പറേഷൻ ഓഫീസ് സമരവുമായി ബന്ധപ്പെട്ട് ജാമ്യമില്ലാ വകുപ്പ് ചുമത്തി ടിബിൻ ദേവസ്യക്കെതിരെ പൊലീസ് കേസെടുത്തിരിക്കുകയാണ്. അതുകൊണ്ടാണ് ടിബിൻ എത്താതിരുന്നത് എന്നാണ് കോൺഗ്രസ് കൗൺസിലർമാർ പറയുന്നത്.

Read More

കളമശേരി നഗരസഭയില്‍ ഇടതുമുന്നണിയുടെ അവിശ്വാസ പ്രമേയം പരാജയപ്പെട്ടു കൗൺസിൽ യോഗത്തിൽ ക്വാറം തികഞ്ഞില്ല; തൃക്കാക്കര നഗരസഭയിലെ അവിശ്വാസ പ്രമേയം ചർച്ചക്കെടുക്കാതെ തള്ളി സ്പീക്കർക്കെതിരായ അവിശ്വാസ പ്രമേയം തള്ളി; പ്രതിപക്ഷം ഇറങ്ങിപ്പോയി സംസ്ഥാനത്ത് യുഡിഎഫ് തരംഗമെന്ന് പി കെ കുഞ്ഞാലിക്കുട്ടി; യുഡിഎഫ് അധികാരത്തില്‍ വരും