ദിലീപിനും സഹോദരനുമെതിരെ ക്രൈംബ്രാഞ്ചിന്റെ പുതിയ കേസ്

നടൻ ദിലീപടക്കം ആറ് പേർക്കെതിരെ പുതിയ കേസ് ക്രൈംബ്രാഞ്ച് രജിസ്റ്റർ ചെയ്തു. അന്വേഷണ ഉദ്യോഗസ്ഥരെ ഭീഷണിപ്പെടുത്തിയതായുമായി ബന്ധപ്പെട്ടാണ് കേസ്. സംവിധായകൻ ബാലചന്ദ്രകുമാറിന്റെ വെളിപ്പെടുത്തലിന് പിന്നാലെ ചില ഓഡിയോ ക്ലിപ്പുകളും പുറത്തുവന്നിരുന്നു. ഈ ഓഡിയോ ക്ലിപ്പുകളിൽ അന്വേഷണ ഉദ്യോഗസ്ഥർക്ക് മേൽ ഭീഷണി മുഴക്കുന്ന സന്ദേശങ്ങളുണ്ടായിരുന്നു

അഞ്ച് അന്വേഷണ ഉദ്യോഗസ്ഥരെ അപായപ്പെടുത്താൻ ദിലീപ് ഗൂഢാലോചന നടത്തിയെന്നാണ് ബാലചന്ദ്രകുമാറിന്റെ മൊഴി. ഇതിന്റെ അടിസ്ഥാനത്തിലാണ് ദിലീപടക്കം ആറ് പേർക്കെതിരെ കേസ്. ഭീഷണിപ്പെടുത്തൽ, ഗൂഢാലോചന കുറ്റങ്ങൾ ചുമത്തിയാണ് കേസ്

ദിലീപിന്റെ സഹോദരൻ അനൂപാണ് രണ്ടാം പ്രതി. ഭാര്യാസഹോദരൻ സുരാജ് മൂന്നാം പ്രതിയും അപ്പു നാലാം പ്രതിയും ബാബു ചെങ്ങമനാട് അഞ്ചാം പ്രതിയുമാണ്. കണ്ടാലറിയാവുന്ന ഒരാളാണ് ആറാം പ്രതി.

Read More

നടിയെ ആക്രമിച്ച കേസ്: സംവിധായകന്റെ രഹസ്യമൊഴി എടുക്കണമെന്ന് അന്വേഷണ സംഘം നടിയെ ആക്രമിച്ച കേസ്: വിചാരണ നിർത്തിവെക്കണമെന്ന പോലീസിന്റെ ഹർജി ഇന്ന് കോടതിയിൽ നടിയെ ആക്രമിച്ച കേസ്: വിചാരണ നിർത്തിവെക്കണമെന്ന പോലീസിന്റെ ഹർജി ഇന്ന് പരിഗണിക്കും കരിപ്പൂർ സ്വർണക്കടത്തിൽ ക്രൈംബ്രാഞ്ച് അന്വേഷണവും; സ്വമേധയാ കേസെടുത്തു