രാജിക്കാര്യത്തിൽ ഇടഞ്ഞ് മുഹമ്മദ് മുഹ്സിൻ എംഎൽഎ; സിപിഐ ജില്ലാ നേതൃത്വത്തിന് വിശദീകരണം നൽകിയില്ല

പാലക്കാട്: രാജിക്കാര്യത്തിൽ സിപിഐ നേതൃത്വവുമായി ഇടഞ്ഞ് മുഹമ്മദ് മുഹസിൻ എംഎൽഎ. ഇന്നലത്തെ യോഗത്തിലും ജില്ലാ നേതൃത്വത്തിന് വിശദീകരണം നൽകിയില്ല. നേതൃത്വത്തിന്‍റെ നടപടിയില്‍ പ്രതിഷേധിച്ച് ജില്ലാ കൗൺസിൽ അംഗമടക്കം 11 പേരുടെ രാജി കൂടി അംഗീകരിച്ചു. കൂടുതൽ പേർക്കെതിരെ നടപടിക്ക് സാധ്യതയുണ്ട്.

സിപിഐ ജില്ലാ നേതൃത്വത്തിന് വിശദീകരണം നൽകാതെ മുഹമ്മദ് മുഹസിൻ. ഇന്നലത്തെ യോഗത്തിലും മുഹസിൻ വിശദീകരണം നൽകിയില്ല. നേതൃത്വത്തിന്‍റെ നടപടിയില്‍ പ്രതിഷേധിച്ച് ജില്ലാ കൗൺസിൽ അംഗം സീമ കൊങ്ങശ്ശേരി അടക്കം 11 പേർ കൂടി രാജിവച്ചു. മണ്ഡലം ലോക്കൽ നേതാക്കളാണ് രാജിവെച്ചത്. രാജിവെച്ചവർ ജില്ലാ നേതൃത്വത്തിന് വിശദീകരണം നൽകിയില്ല. ജില്ലാ നേതൃയോഗം 11 പേരുടെ രാജി അംഗീകരിച്ചു. ഇവർക്കെതിരെ നടപടി ഉണ്ടായേക്കും.

വിഭാഗീയ പ്രവർത്തനം നടത്തിയെന്നാരോപിച്ച് മുഹസീനെ നേരത്തെ ജില്ലാ എക്സിക്യൂട്ടീവിൽ നിന്നും ജില്ലാ കൗൺസിലിലേക്ക് തരംതാഴ്ത്തിയിരുന്നു. അതിന് പുറമെ പട്ടാമ്പി മണ്ഡലം സെക്രട്ടറി സുഭാഷിനെയും പട്ടാമ്പിക്കാരനായ ജില്ലാ കമ്മിറ്റിയംഗം കൊടിയില്‍ രാമകൃഷ്ണനെയും ബ്രാഞ്ച് കമ്മിറ്റിയിലേക്കും തരം താഴ്ത്തിരുന്നു. ഇതാണ് കടുത്ത പ്രതിഷേധവുമായി പരസ്യ പോരിനിറങ്ങാൻ മറുവിഭാഗത്തെ പ്രേരിപ്പിച്ചത്.

Read More

സിപിഐ നേതൃത്വത്തോട് ഇടഞ്ഞ് എംഎല്‍എ മുഹമ്മദ് മുഹ്‌സിന്‍; ജില്ലാ കൗണ്‍സിലില്‍ നിന്ന് രാജിവെച്ചു മുഹമ്മദ് മുഹ്സിനെതിരായ നടപടി: പാലക്കാട് സിപിഐ ജില്ലാ കമ്മിറ്റിയംഗങ്ങൾ അടക്കം രാജിക്ക് ഒരുങ്ങുന്നു സിപിഐ ഇടുക്കി ജില്ലാ എക്‌സിക്യൂട്ടീവിൽ നിന്ന് ഇ എസ് ബിജിമോൾ പുറത്ത് വർഗവഞ്ചകൻ രാജുവിനെ തിരിച്ചറിയുക; പറവൂരിൽ സിപിഐ ജില്ലാ സെക്രട്ടറിക്കെതിരെ പോസ്റ്റർ