എൻ എസ് എസിനെ ആക്രമിക്കുന്നത് നോക്കിനിൽക്കില്ല: സഹമന്ത്രി മുരളീധരൻ

എൻ എസ് എസിന് മേൽ സിപിഎമ്മും അണികളും നടത്തുന്ന ആക്രമണത്തെ ശക്തമായി അപലപിക്കുന്നുവെന്ന് കേന്ദ്ര സഹമന്ത്രി വി മുരളീധരൻ. നായർ സർവീസ് സൊസൈറ്റി ജനറൽ സെക്രട്ടറി സുകുമാരൻ നായരെ ഒറ്റ തിരിഞ്ഞ് ആക്രമിക്കാൻ അനുവദിക്കില്ലെന്നും സംസ്ഥാനത്തെ നാണംകെട്ട തോൽവിക്ക് പിന്നാലെ ബിജെപി നേതാവ് കൂടിയായ സഹമന്ത്രി പറഞ്ഞു

ശബരിമല വിഷയത്തിൽ വിശ്വാസികളുടെ ശബ്ദമായതിനാലാണ് സുകുമാരൻ നായർ ആക്രമിക്കപ്പെടുന്നത്. സുകുമാരൻ നായർ അടക്കം ആർക്കും രാഷ്ട്രീയ നിലപാടുകൾ പറയാൻ സ്വാതന്ത്ര്യം ഇന്ത്യയിലുണ്ട്. ഹൈന്ദവ ആചാരണങ്ങളും വിശ്വാസങ്ങളും സംരക്ഷിക്കപ്പെടണമെന്ന് പറയുന്നത് മഹാപാതകമായി ചിത്രീകരിക്കാനാമ് സിപിഎമ്മിന്റെ ശ്രമം

സാമുദായിക ചേരിതിരിവുണ്ടാക്കിയാണ് ഇടത് വിജയമെന്നുമുള്ള അതിവിചിത്രമായ ആരോപണവും സഹമന്ത്രി ഉന്നയിച്ചു. കാലങ്ങളായി പാല് കൊടുത്ത കൈയിൽ ചിലർ കടിച്ചതാണ് പരാജയ കാരണമെന്ന് കോൺഗ്രസ് തിരിച്ചറിയണമെന്നും സഹ മന്ത്രി പറഞ്ഞു.

Read More

ചെന്നിത്തലയുടെ വിശദീകരണം തൃപ്തികരം; ശബരിമല വിഷയത്തിൽ യുഡിഎഫ് നിലപാടിൽ സന്തോഷമെന്ന് എൻ എസ് എസ് സമുദായ സംഘടനകൾ പരിധി വിടുമ്പോഴാണ് പ്രശ്‌നം; എൻ എസ് എസിന്റെ സുകുമാരൻ നായർക്കെതിരെ വിജയരാഘവൻ ആർ എസ് എസിനെ പോലെ ഇടതുപക്ഷവും ജനങ്ങളെ വിഭജിക്കുന്നു: രാഹുൽ ഗാന്ധി സ്വാമി അയ്യപ്പനടക്കമുള്ള ദേവഗണങ്ങളെല്ലാം എൽ ഡി എഫ് സർക്കാരിനൊപ്പമാണെന്ന് മുഖ്യമന്ത്രി