ലോകം ചുറ്റുന്ന ഏറ്റവും പ്രായം കുറഞ്ഞ പൈലറ്റായി ഈ 17 കാരൻ

ചെറുവിമാനത്തിൽ ഒറ്റയ്ക്ക് ലോകം ചുറ്റുന്ന ഏറ്റവും പ്രായം കുറഞ്ഞ വ്യക്തിയായി മാറിയിരിക്കുകയാണ് കൗമാരക്കാരനായ ബ്രിട്ടീഷ്-ബെൽജിയൻ പൈലറ്റ്. മാക്ക് റഥർഫോർഡ് എന്ന 17 കാരനാണ് നിലവിലെ ലോക റെക്കോർഡ് തകർത്തത്. 52 രാജ്യങ്ങളിലൂടെയുള്ള അഞ്ച് മാസത്തെ യാത്രയ്ക്ക് ശേഷമാണ് മാക്ക് ബൾഗേറിയയിലെ സോഫിയയിൽ തിരിച്ചെത്തിയത്.

വഴിയിലെ പ്രതിസന്ധികൾ മറികടന്നാണ് 17 കാരൻ ഈ നേട്ടം കൈവരിച്ചത്. മണൽക്കാറ്റുകൾ നേരിട്ടും, ജനവാസമില്ലാത്ത പസഫിക് ദ്വീപിൽ രാത്രി കാലങ്ങൾ ചിലവഴിച്ചുമാണ് ഈ കൗമാരക്കാരൻ യാത്ര പൂർത്തിയാക്കിയത്. മാതാപിതാക്കൾ ബ്രിട്ടീഷുകാരാണെങ്കിലും മാക്ക് റഥർഫോർഡ് വളർന്നത് ബെൽജിയത്തിലാണ്.

അദ്ദേഹത്തിന്റെ മൂത്ത സഹോദരി സാറയാണ് ലോകം ചുറ്റുന്ന ഏറ്റവും പ്രായം കുറഞ്ഞ വനിത. ഈ വർഷം ജനുവരിയിൽ സാറ യാത്ര പൂർത്തിയാക്കിയിരുന്നു. തൻ്റെ യാത്രയിലെ വഴികാട്ടി സഹോദരിയാണെന്ന് മാക്ക് പറഞ്ഞു. 18 വയസും 150 ദിവസവും പ്രായമുള്ള ബ്രിട്ടീഷ് പൈലറ്റ് ട്രാവിസ് ലുഡ്‌ലോ ആയിരുന്നു മുൻ റെക്കോർഡ് ഉടമ.

Read More

ഏറ്റവും പ്രായം കുറഞ്ഞ പഞ്ചായത്ത് പ്രസിഡന്റായി രേഷ്മ മറിയം റോയ്‌; വീണ്ടും ചരിത്ര തീരുമാനവുമായി സിപിഎം ഇതാണ് ആയേഷ അസീസ്, കാശ്മീരി പെൺകുട്ടി; രാജ്യത്തെ ഏറ്റവും പ്രായം കുറഞ്ഞ വനിതാ പൈലറ്റ് കോവിഡ് വാക്സിന്‍ സ്വീകരിച്ച ഇന്ത്യയിലെ ഏറ്റവും പ്രായം കൂടിയ വനിതയായി കാമേശ്വരിയമ്മ 24 മണിക്കൂറിനിടെ 42,640 പേർക്ക് കൂടി കൊവിഡ്; മൂന്ന് മാസത്തിനിടയിലെ ഏറ്റവും കുറഞ്ഞ പ്രതിദിന വർധനവ്