ഭാര്യയെ കാറിടിപ്പിച്ച സംഭവം: ചലച്ചിത്ര നിർമ്മാതാവിനെ പൊലീസ് അറസ്റ്റ് ചെയ്തു
വധശ്രമ കേസിൽ ചലച്ചിത്ര നിർമ്മാതാവ് കമൽ കിഷോർ മിശ്ര അറസ്റ്റിൽ. മണിക്കൂറുകൾ നീണ്ട ചോദ്യം ചെയ്യലിനൊടുവിൽ ഇന്ന് പുലർച്ചെയാണ് അറസ്റ്റ് രേഖപ്പെടുത്തിയത്. മറ്റൊരു സ്ത്രീയുമായുള്ള ബന്ധം കണ്ടെത്തിയ ഭാര്യയെ വാഹനം ഇടിച്ച് കൊലപ്പെടുത്താൻ ശ്രമിച്ചുവെന്നാണ് പരാതി.
ഭാര്യ നൽകിയ പരാതിയുടെ അടിസ്ഥാനത്തിൽ അംബോലി പൊലീസ് നിർമ്മാതാവിനെതിരെ ഐപിസി 279, 338 വകുപ്പുകൾ പ്രകാരം കേസെടുത്തിരുന്നു. ഒക്‌ടോബർ 19 ന് മിശ്ര തന്നെ കാർ ഇടിച്ചെന്നും തലയ്ക്ക് ഗുരുതരമായി പരുക്കേറ്റെന്നും ഭാര്യ ആരോപിച്ചു. അന്ധേരിയിലെ ഒരു പാർക്കിംഗ് ഏരിയയിൽ വച്ച് കാറിൽ മറ്റൊരു സ്ത്രീക്കൊപ്പം കമൽ കുമാറിനെ ഭാര്യ കണ്ടെത്തുകയായിരുന്നു.
കാറിൽ കടന്ന് കളയാൻ ശ്രമിക്കുന്നതിനിടെയാണ് കമൽ കിഷോർ ഭാര്യയെ കാറിടിച്ച് പരുക്കേൽപ്പിച്ചത്. ഭാര്യയുടെ കാലിനും കൈക്കും തലയ്ക്കും പരുക്കേറ്റു. ഭാര്യയെ കൊലപ്പെടുത്താൻ ശ്രമിക്കുന്ന ദൃശ്യങ്ങൾ നേരത്തെ പുറത്ത് വന്നിരുന്നു.
Read More
പരസ്ത്രീ ബന്ധം കണ്ടുപിടിച്ചു, ഭാര്യയെ ജീവനോടെ ചുട്ടുകൊന്നു ഭർത്താവ്
രോഗിയായ ഭാര്യയെ ആശുപത്രിയില്‍ എത്തിക്കാന്‍ നാല് കിലോമീറ്റര്‍ തോളില്‍ ചുമന്ന് നടന്ന് വയോധികന്‍; ഒടുവിൽ ചികിത്സ ലഭിക്കാതെ മരണം , സംഭവം മഹാരാഷ്ട്രയിലെ നന്ദുര്‍ബാർ ജില്ലയിൽ.
കോട്ടയത്ത് മദ്യപിച്ചെത്തിയ ഭർത്താവ് ഭാര്യയെ ചുറ്റിക കൊണ്ടു അടിച്ചു കൊലപ്പെടുത്തി
മദ്യലഹരിയില്‍ ഭാര്യയെ വെട്ടിപ്പരുക്കേല്‍പ്പിച്ച് യുവാവ്