2000 രൂപ നൽകാത്തതിന് പിതാവിൻ്റെ തല അടിച്ചുപൊളിച്ചു; 25കാരൻ അറസ്റ്റിൽ

2000 രൂപ നൽകാത്തതിന് പിതാവിൻ്റെ തല അടിച്ചുപൊളിച്ച 25 വയസുകാരൻ അറസ്റ്റിൽ. മധ്യപ്രദേശിലെ ഇൻഡോറിലാണ് സംഭവം. 50 വയസുകാരനായ ബാബു ചൗധരിയെ മകൻ സോഹൻ കല്ലുകൊണ്ട് തലയ്ക്കടിച്ച് കൊലപ്പെടുത്തുകയായിരുന്നു. പ്രതിയെ പൊലീസ് അറസ്റ്റ് ചെയ്തു.

ജൂൺ 15 രാത്രിയായിരുന്നു കൊലപാതകം. തൻ്റെ വയലിൽ ബാബു ചൗധരിയെ മരിച്ചനിലയിൽ കണ്ടെത്തിയതിനെ തുടർന്ന് പൊലീസ് അന്വേഷണം ആരംഭിച്ചു. തെളിവുകളുടെ അടിസ്ഥാനത്തിൽ മകനെ പിടികൂടി. മകൻ മയക്കുമരുന്നിന് അടിമയാണെന്നും ഇടക്കിടെ പിതാവിനെ വയലിൽ സഹായിക്കാറുണ്ടായിരുന്നു എന്നും പൊലീസ് പറയുന്നു. സോഹൻ പിതാവിനോട് 2000 രൂപ ആവശ്യപ്പെട്ടെങ്കിലും പിതാവ് നൽകിയില്ല. ഇതിൻ്റെ ദേഷ്യത്തിൽ സോഹൻ കല്ലെടുത്ത് പിതാവിൻ്റെ തലയ്ക്കടിച്ച് കൊല്ലുകയായിരുന്നു. ആക്രമണത്തിൽ ബാബു ചൗധരിയുടെ തലയോട്ടി പിളർന്നു എന്ന് പൊലീസ് പറഞ്ഞു.

Read More

വിവസ്ത്രനാക്കി, കൈകാലുകൾ ബന്ധിച്ച് റെയിൽവേ ട്രാക്കിൽ ഉപേക്ഷിച്ചു; യുപിയിൽ മകനോട് പിതാവിൻ്റെ ക്രൂരത ‘കല്യാണം കഴിക്കണമെങ്കിൽ ഭാര്യയെയും മകനെയും ഒഴിവാക്കണം’; കാമുകിയുടെ ആവശ്യപ്രകാരം മകനെ കൊലപ്പെടുത്തിയ പിതാവ് അറസ്റ്റിൽ അമേഠിയിൽ ദളിത് പെൺകുട്ടിയെ ബലാത്സംഗം ചെയ്ത ഡിജെ അറസ്റ്റിൽ രാജ്യത്ത് 2000 രൂപ നോട്ടുകളുടെ അച്ചടി നിർത്തി : റിസർവ് ബാങ്ക്