വിവാഹം കഴിഞ്ഞ് 15 വര്‍ഷമായിട്ടും കുട്ടികളില്ല; 33കാരിയെ ഭര്‍തൃവീട്ടുകാര്‍ വിഷം നല്‍കി കൊലപ്പെടുത്തി
വിവാഹം കഴിഞ്ഞ് പതിനഞ്ച് വര്‍ഷമായിട്ടും ഗര്‍ഭിണി ആകാത്ത യുവതിയെ ഭര്‍തൃവീട്ടുകാര്‍ വിഷം നല്‍കി കൊലപ്പെടുത്തിയതായി പരാതി. ഉത്തര്‍പ്രദേശിലെ കൗശാംബി ജില്ലയില്‍ ഞായറാഴ്ചയാണ് സംഭവം നടന്നത്. 33കാരിയായ സാലി ബീഗം എന്ന യുവതിയാണ് കൊല്ലപ്പെട്ടത്.
തനിക്ക് വീട്ടുകാര്‍ വിഷം നല്‍കിയെന്ന് സഹോദരി തന്നോട് പറഞ്ഞതായി സഹോദരന്‍ പൊലീസിന് നല്‍കിയ പരാതിയില്‍ പറയുന്നു. ഇയാളുടെ മൊഴിയുടെ അടിസ്ഥാനത്തില്‍ യുവതിയുടെ ഭര്‍ത്താവിനും മറ്റ് നാല് പേര്‍ക്കെതിരെ പൊലീസ് കേസെടുത്തു.
15 വര്‍ഷം മുന്‍പാണ് സാലി ബീഗം ഫിറോസ് അഹമ്മദ് എന്നയാളുമായി വിവാഹം കഴിച്ചത്. എന്നാല്‍ കുട്ടിയുണ്ടാകത്തതിന്റെ പേരില്‍ സാലിയും ഭര്‍ത്താവും തമ്മില്‍ പ്രശ്‌നങ്ങളുണ്ടായിരുന്നതായി യുവതിയുടെ സഹോദരന്‍ ഗൗസ് മുഹമ്മദ് നല്‍കിയ പരാതിയില്‍ പറയുന്നു. കഴിഞ്ഞ ദിവസമുണ്ടായ വഴക്കിനെ തുടര്‍ന്ന് സഹോദരി തന്നെ വിളിച്ചെന്നും ഭര്‍തൃവീട്ടുകാര്‍ തനിക്ക് വിഷം നല്‍കിയ വിവരം അറിയിച്ചെന്നും ഗൗസ് മുഹമ്മദ് പറഞ്ഞു.
തുടര്‍ന്ന് താന്‍ സഹോദരിയുടെ വീട്ടിലെത്തി ഉടന്‍ തന്നെ സാലിയെ സിറത്തുവിലെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. മുഹമ്മദിന്റെ പരാതിയുടെ അടിസ്ഥാനത്തില്‍ യുവതിയുടെ ഭര്‍ത്താവിനും നാല് കുടുംബാംഗങ്ങള്‍ക്കുമെതിരെ കദാ ധാം പൊലീസ് കേസെടുത്തു.
Read More
വിവാഹം കഴിഞ്ഞ് മണിക്കൂറുകള്‍ക്കകം വധു ഹൃദയാഘാതം മൂലം മരിച്ചു
വിഷം നല്‍കിയ കാര്യം ഷാരോണിനോട് പറഞ്ഞിരുന്നെന്ന് ഗ്രീഷ്മ; തുരിശ് ശേഖരിച്ചത് അമ്മാവന്റെ പക്കല്‍ നിന്ന്
ഭാര്യയും കാമുകനും ചേര്‍ന്ന് ഹോര്‍ലിക്സില്‍ വിഷം കലര്‍ത്തി നൽകി, കെഎസ്‌ആര്‍ടിസി ഡ്രൈവറുടെ പരാതിയില്‍ കേസെടുത്തു
ഇടമലക്കുടിയിലെ ശൈശവ വിവാഹം; മൂന്നാര്‍ പൊലീസ് കേസെടുത്തു