ഉത്തർപ്രദേശിൽ ഗുണ്ടാനേതാവ് സഞ്ജീവ് ജീവയെ വെടിവച്ചു കൊന്നു
ഉത്തർപ്രദേശിൽ ഗുണ്ടാ നേതാവിനെ വെടിവച്ചു കൊലപ്പെടുത്തി. സഞ്ജീവ് ജീവയാണ് കൊല്ലപ്പെട്ടത്. ലക്‌നൗ സിവിൽ കോടതിക്ക് മിന്നിലാണ് സംഭവം നടന്നത്. അഭിഭാഷക വേഷത്തിലെത്തിയയാളാണ് വെടിയുതിർത്തത്. അക്രമിയെ പിടികൂടിയെന്ന് പൊലീസ് അറിയിച്ചു. വെടിവയ്പ്പിൽ ഒരു പൊലീസ് ഉദ്യോഗസ്ഥനും പെൺകുട്ടിക്കും പരുക്കേറ്റു.
ഗുണ്ടാ തലവൻ മുക്താർ അൻസാരിയുടെ കൂട്ടാളിയാണ് സഞ്ജീവ് ജീവ. ബി.ജെ.പി നേതാവായിരുന്ന ബ്രഹ്മദത്ത് ദ്വിവേദിയെ കൊലപ്പെടുത്തിയ കേസിലെ പ്രതിയാണ്. നിരവധി ക്രിമിനൽ കേസുകളിൽ പ്രതിയായ ഇയാളെ വിചാരണക്കായി കോടതിയിൽ എത്തിച്ചപ്പോഴാണ് അജ്ഞാതർ വെടിവെച്ചു കൊലപ്പെടുത്തിയത്.
