മമത ബാനർജിയെ വാജ്‌പേയിയോട് ഉപമിച്ച് ബംഗാൾ ഗവർണർ; സംസ്ഥാന ബിജെപിയിൽ അതൃപ്തി
മുഖ്യമന്ത്രി മമത ബാനർജിയെ പ്രശംസിച്ച പശ്ചിമ ബംഗാൾ ഗവർണർ സി.വി ആനന്ദ ബോസിൻ്റെ നടപടിയിൽ സംസ്ഥാന ബിജെപിയിൽ അതൃപ്തി. തിങ്കളാഴ്ച കൊൽക്കത്തയിലെ പ്രശസ്തമായ സെന്റ് സേവ്യേഴ്‌സ് യൂണിവേഴ്‌സിറ്റി ഡോക്‌ടർ ഓഫ് ലിറ്ററേച്ചർ ഓണററി ബിരുദം നൽകി മമത ബാനർജിയെ ആദരിച്ചിരുന്നു. പ്രസ്തുത ചടങ്ങിൽ വച്ചാണ് ബംഗാൾ ഗവർണർ മമത ബാനർജിയെ വാജ്‌പേയിയോട് ഉപമിച്ചത്.
ബംഗാൾ മുഖ്യമന്ത്രിയെ അടൽ ബിഹാരി വാജ്‌പേയി, എപിജെ അബ്ദുൾ കലാം, മുൻ യുകെ പ്രധാനമന്ത്രി വിൻസ്റ്റൺ ചർച്ചിൽ എന്നിവരുമായി താരതമ്യപ്പെടുത്തിയാണ് സി.വി ആനന്ദ ബോസ് സംസാരിച്ചത്. ഇവരെല്ലാം മമത ബാനർജിയെപ്പോലെ എഴുത്തുകാരായ രാഷ്ട്രതന്ത്രജ്ഞരും രാഷ്ട്രീയക്കാരുമാണെന്ന് അദ്ദേഹം അഭിപ്രായപ്പെട്ടു. ഇതിന് പിന്നാലെയാണ് ഗവർണറുടെ പരാമർശത്തിനെതിരെ ബംഗാൾ ബിജെപി രംഗത്തുവന്നത്.
മമത ബാനർജി വിൻസ്റ്റൺ ചർച്ചിലിനെപ്പോലെയാണെന്ന ഗവർണറുടെ വിലയിരുത്തലിനോട് ഭാഗികമായി യോജിക്കുന്നു. 1943-ലെ ബംഗാൾ ക്ഷാമത്തിന് ഉത്തരവാദി ബ്രിട്ടീഷ് പ്രധാനമന്ത്രിയാണ്. പട്ടിണിയും പോഷകാഹാരക്കുറവും മൂലം 4 ദശലക്ഷത്തിലധികം മരണങ്ങൾക്ക് കാരണമായ മനുഷ്യ ചരിത്രത്തിലെ ഏറ്റവും മോശമായ വംശഹത്യയാണിതെന്നും ബംഗാൾ നിയമസഭയിലെ പ്രതിപക്ഷ നേതാവ് സുവേന്ദു അധികാരി ട്വീറ്റ് ചെയ്തു.
Read More
മലയാളിയായ സി വി ആനന്ദ ബോസ് പശ്ചിമ ബംഗാൾ ഗവർണര്‍; നിയമനം ജഗ്ദീപ് ധന്‍കര്‍
എസ്എസ്‌സി അഴിമതി: ബംഗാൾ മന്ത്രി പാർത്ഥ ചാറ്റർജിയെ പുറത്താക്കി
ഗവർണറുമായുള്ള കൂടിക്കാഴ്ചയിൽ നിന്ന് 24 എംഎൽഎമാർ വിട്ടുനിന്നു; ബംഗാൾ ബിജെപിയിൽ പ്രതിസന്ധി രൂക്ഷം
പോര് മുറുകുന്നു: ബംഗാൾ ചീഫ് സെക്രട്ടറിയും ഡിജിപിയും ഇന്ന് ഡൽഹിയിൽ എത്തണമെന്ന് കേന്ദ്രം