മോഷണം പോയ വ്യോമസേനയുടെ മിറാഷ് യുദ്ധവിമാനത്തിന്റെ ടയര്‍ കണ്ടെടുത്തതായി പൊലീസ്
ലഖ്‌നൗ: മോഷണം പോയ ഇന്ത്യന്‍ വ്യോമസേനയുടെ (ഐ.എ.എഫ്) മിറാഷ് യുദ്ധവിമാനത്തിന്റെ ടയര്‍ വീണ്ടെടുത്തതായി യു.പി പൊലീസ്. നവംബര്‍ 27-ന് ലഖ്‌നൗവില്‍ ഓടിക്കൊണ്ടിരിക്കുന്ന ട്രക്കില്‍ നിന്ന് മോഷ്ടിക്കപ്പെട്ടതായി പറയപ്പെടുന്ന ഇന്ത്യന്‍ വ്യോമസേനയുടെ (ഐഎഎഫ്) മിറാഷ് യുദ്ധവിമാനത്തിന്റെ ടയര്‍ വീണ്ടെടുത്തതായാണ് പൊലീസ് അറിയിച്ചത്.
ലഖ്‌നൗവിലെ ബക്ഷി കാ തലാബ് എയര്ഫോഴ്സ് സ്റ്റേഷനില്‍ നിന്ന് രാജസ്ഥാനിലെ ജോധ്പൂര്‍ വ്യോമതാവളത്തിലേക്ക് കൊണ്ടുപോകുകയായിരുന്നു ടയര്‍. ട്രക്കിന്റെ ടയറാണെന്ന് വിചാരിച്ചാണ് മോഷ്ടാക്കള്‍ ടയര്‍ വീട്ടിലേക്ക് കൊണ്ടുപോയതെന്നാണ് പൊലീസ് അറിയിച്ചത്.
ടയര്‍ തങ്ങളുടെ സപ്ലൈ ഡിപ്പോയില്‍ നിന്നുള്ളതാണെന്നും ഒരു മിറേജ് ജെറ്റിന്റേതാണെന്നും എയര്ഫോഴ്സ് സ്റ്റേഷന്‍ സ്ഥിരീകരിച്ചു. മിറാഷ്-2000 ഫൈറ്റര്‍ ജെറ്റിന്റെ പുതിയ ടയറുകളും മറ്റ് വ്യോമസേന ഉപകരണങ്ങളും ബക്ഷി കാ തലാബ് എയര്ഫോഴ്സ് സ്റ്റേഷനില്‍ നിന്ന് ജോധ്പൂര്‍ എയര്‍ബേസിലേക്ക് കൊണ്ടുപോകുന്നതിനിടെയാണ് ലഖ്‌നൗവിലെ ഷഹീദ് പഥില്‍ മോഷണം നടന്നത്.
Read More
പരിശീലനത്തിനിടെ മിഗ് 21 വിമാനം തകർന്നു വീണ് പൈലറ്റ് മരിച്ചു
വയനാട് ചുരത്തില്‍ കെഎസ്ആര്‍ടിസി ബസിന്റെ ടയര്‍ ഊരിത്തെറിച്ചു; ഒഴിവായത് വന്‍ അപകടം
കൊട്ടാരക്കരയിൽ നിന്ന് മോഷണം പോയ കെഎസ്ആർടിസി ബസ് പാരിപ്പള്ളിയിൽ നിന്ന് കണ്ടെത്തി
ബത്തേരി നായ്ക്കട്ടിയിൽ വൻ മോഷണം , വീടിൻ്റെ മുൻ വാതിൽ കുത്തിതുറന്ന് 21 ലക്ഷവും 25 പവൻ സ്വർണവും കവർന്നു.സംഭവത്തിൽ ബത്തേരി പൊലീസ് അന്വേഷണം ആരംഭിച്ചു