ജനപ്രാതിനിധ്യ നിയമത്തെ ചോദ്യം ചെയ്തുള്ള ഹർജി സുപ്രീം കോടതി തള്ളി
ക്രിമിനൽ കേസിൽ ശിക്ഷിക്കപ്പെട്ടാൽ പാർലമെന്റിൽ നിന്നോ സംസ്ഥാന നിയമസഭയിൽ നിന്നോ ഒരു നിയമസഭാംഗത്തെ അയോഗ്യനാക്കുന്ന 1951 ലെ ജനപ്രാതിനിധ്യ നിയമത്തിലെ സെക്ഷൻ 8(3) ന്റെ ഭരണഘടനാ സാധുത ചോദ്യം ചെയ്യുന്ന ഹർജി സുപ്രീം കോടതി തള്ളി. ഹർജിക്കാരനെ വ്യക്തിപരമായി ഈ വ്യവസ്ഥ ബാധിക്കുന്നില്ലെന്ന് കോടതി നിരീക്ഷിച്ചു.
ചീഫ് ജസ്റ്റിസ് ഡി.വൈ ചന്ദ്രചൂഡ്, ജസ്റ്റിസുമാരായ പി.എസ് നരസിംഹ, ജെ.ബി പർദിവാല എന്നിവരടങ്ങിയ ബെഞ്ചാണ് ഹർജി പരിഗണിച്ചത്. നിയമം ഹർജിക്കാരനെ എങ്ങനെ ബാധിക്കുമെന്ന് ചോദിച്ച കോടതി, ബാധിക്കപ്പെട്ടവരുടെ ഹർജി മാത്രമേ കേൾക്കൂ എന്ന് വ്യക്തമാക്കി. ക്രിമിനൽ മാനനഷ്ടക്കേസിൽ കുറ്റക്കാരനാണെന്ന് കണ്ടെത്തിയ സൂറത്ത് കോടതി വിധിയെത്തുടർന്ന് രാഹുൽ ഗാന്ധിയെ ലോക്‌സഭയിൽ നിന്ന് അയോഗ്യനാക്കുകയും രണ്ട് വർഷം തടവിന് ശിക്ഷിക്കുകയും ചെയ്ത സമയത്താണ് ഹർജി സമർപ്പിച്ചിരുന്നത്.
തെരഞ്ഞെടുക്കപ്പെട്ട പാർലമെന്റ് അംഗത്തിന്റെയോ അല്ലെങ്കിൽ നിയമസഭാ സാമാജികന്റെയോ അഭിപ്രായ സ്വാതന്ത്ര്യത്തെ വെട്ടിക്കുറയ്ക്കുകയും, നിയമനിർമ്മാതാക്കളെ ചുമതലകൾ സ്വതന്ത്രമായി നിർവഹിക്കുന്നതിൽ നിന്ന് തടയുകയും ചെയ്യുന്നതിനാൽ സെക്ഷൻ 8 (3) ഭരണഘടനയുടെ തീവ്രമായ കുറ്റമാണെന്ന് സാമൂഹിക പ്രവർത്തക ആഭാ മുരളീധരൻ സമർപ്പിച്ച ഹർജിയിൽ ഉന്നയിക്കുന്നു.
Read More
‘ശിക്ഷിക്കപ്പെട്ടാൽ അയോഗ്യതയെന്ന വ്യവസ്ഥ പിൻവലിക്കണം’; സുപ്രീം കോടതിയിൽ ഹർജി
രാഹുല്‍ ഗാന്ധിയുടെ അപ്പീല്‍ തള്ളി സൂറത്ത് കോടതി; അയോഗ്യത തുടരും
10, 12 ക്ലാസുകളിൽ ഓഫ് ലൈൻ പരീക്ഷ നടത്തുന്നതിനെതിരായ ഹർജി സുപ്രീം കോടതി തള്ളി
നീറ്റ്, ജെഇഇ പരീക്ഷ മാറ്റി വെക്കണമെന്ന ആവശ്യം സുപ്രീം കോടതി തള്ളി; വിദ്യാർഥികളുടെ ഭാവി അപകടത്തിലാക്കില്ലെന്ന് കോടതി