യോഗി മാതൃക നടപ്പാക്കും, ഹിന്ദുക്കൾക്കെതിരെ സംസാരിക്കുന്നവരെ കൊല്ലും; ബിജെപി എംഎൽഎ
ഹിന്ദുക്കൾക്കെതിരെ സംസാരിക്കുന്നവരെ വെടിവച്ചുകൊല്ലുമെന്ന വിവാദ പ്രസ്താവനയുമായി കർണാടകയിലെ ബിജെപി എംഎൽഎ ബസവനഗൗഡ പാട്ടീൽ യത്നാൽ. കർണാടകയിൽ ബിജെപി അധികാരത്തിലെത്തിയാൽ ഉത്തർപ്രദേശിലെ യോഗി ആദിത്യനാഥ് സർക്കാരിന്റെ മാതൃകയിൽ ഭരണം നടത്തുമെന്നും ബസവനഗൗഡ പറഞ്ഞു.
വിജയപുരയിലെ തെരഞ്ഞെടുപ്പ് പ്രചരണ റാലിയിലാണ് വിവാദ പ്രസ്താവന നടത്തിയത്. കുറ്റവാളികളോടുള്ള ഉത്തർപ്രദേശ് സർക്കാരിന്റെ സമീപനത്തെക്കുറിച്ചും സൂചിപ്പിച്ചായിരുന്നു ബസവനഗൗഡയുടെ പ്രസംഗം. പ്രസംഗത്തിന്റെ വിഡിയോ സോഷ്യൽമീഡിയയിൽ വൈറലാവുകയായിരുന്നു. കൈ കൊണ്ട് തോക്കുപോലെ ആംഗ്യം കാണിച്ചായിരുന്നു ബസവനഗൗഡയുടെ പരാമർശം. ടൈംസ് ഓഫ് ഇന്ത്യ ഉൾപ്പെടയുള്ള മാധ്യമങ്ങൾ ഇത് സംബന്ധിച്ച വാർത്ത നൽകിയിരുന്നു.
“ഇന്ത്യക്കെതിരെ സംസാരിക്കുന്നവരെ വെടിവച്ചുകൊല്ലും. അവരെ ജയിലിലേക്ക് വിടാനൊന്നും പോകുന്നില്ല, റോഡിൽ വച്ച് തന്നെ കാര്യങ്ങൾക്ക് തീരുമാനമാക്കും”. ബസവനഗൗഡ പറഞ്ഞു.
Read More
‘ബാങ്ക് വിളിക്കാൻ ഉച്ചഭാഷിണി ഉപയോഗിക്കുന്നതിനർത്ഥം അള്ളാഹു ബധിരനാണെന്ന്’; വിവാദ പരാമർശവുമായി ബിജെപി നേതാവ്
ബലാത്സംഗക്കേസിൽ ഉത്തർപ്രദേശിലെ ബിജെപി എംഎൽഎയ്‌ക്കെതിരെ അറസ്റ്റ് വാറണ്ട്
പരിഷ്‌കരിച്ച പൗരത്വ രജിസ്റ്റർ നടപ്പാക്കും: അസമിൽ ബിജെപി പ്രകടന പത്രിക പുറത്തിറക്കി
‘സന്തോഷത്തോടെ ജീവിക്കാൻ ഹിന്ദു യുവാക്കളെ വിവാഹം ചെയ്യൂ’; വിവാദ പരാമർശവുമായി സാധ്വി പ്രാചി