ഫോൺ കൈമാറണമെന്ന ഹർജി ഹൈക്കോടതി ഇന്ന് പരിഗണിക്കും; ദിലീപിന് നിർണായക ദിനം

നടൻ ദിലീപിന്റെ കൈവശമുള്ള മൊബൈൽ ഫോണുകൾ അന്വേഷണ സംഘത്തിന് കൈമാറണമെന്നാവശ്യപ്പെട്ട് ക്രൈംബ്രാഞ്ച് നൽകിയ ഹർജി ഇന്ന് ഹൈക്കോടതി പരിഗണിക്കും. രാവിലെ പതിനൊന്ന് മണിയോടെ ഹർജി പരിഗണിക്കും. അന്വേഷണ ഉദ്യോഗസ്ഥരെ അപായപ്പെടുത്താൻ ഗൂഢാലോചന നടത്തിയെന്ന കേസിലെ നിർണായക വിവരങ്ങൾ അടങ്ങിയ ഡിജിറ്റൽ വിവരങ്ങൾ ദിലീപ് മറച്ചുപിടിക്കുന്നുവെന്ന് പ്രോസിക്യൂഷൻ ആരോപിക്കുന്നു

എന്നാൽ തന്റെ സ്വകാര്യതയുമായി ബന്ധപ്പെട്ട കാര്യങ്ങൾ ഉള്ളതിനാൽ ഫോൺ ഹാജരാക്കാനാകില്ലെന്നാണ് ദിലീപ് പറയുന്നത്. നിലപാട് വ്യക്തമാക്കണമെന്ന് ദിലീപിനോട് ഹൈക്കോടതി നിർദേശിച്ചിട്ടുണ്ട്. തന്റെ മുൻഭാര്യ മഞ്ജു വാര്യരുമായും കുടുംബാംഗങ്ങളുമായും അഭിഭാഷകരുമായിട്ടുള്ള സ്വകാര്യ സംഭാഷണങ്ങൾ ഫോണിലുണ്ടെന്നും അത് അന്വേഷണ സംഘം ദുരുപയോഗം ചെയ്താൽ സ്വകാര്യതയെ ബാധിക്കുമെന്നുമാണ് ദിലീപ് പറയുന്നത്.

അന്വേഷ സംഘത്തെയും പ്രോസിക്യൂഷനെയും വിശ്വാസമില്ലെങ്കിൽ ഫോൺ കോടതിയിൽ ഹാജരാക്കി കൂടേയെന്ന നിർണായക ചോദ്യവും കോടതി ഉന്നയിച്ചിരുന്നു. ദിലീപ് അന്വേഷണവുമായി സഹകരിക്കുന്നില്ലെന്നും ഫോണുകൾ അന്വേഷണ സംഘത്തിന് നൽകാൻ നിർദേശിക്കണമെന്നും ആവശ്യപ്പെട്ടാണ് സർക്കാർ ഉപഹർജി നൽകിയത്.

Read More

ദിലീപിന് ഇന്ന് നിർണായക ദിനം: മുൻകൂർ ജാമ്യാപേക്ഷ ഹൈക്കോടതി ഇന്ന് പരിഗണിക്കും നിർണായക ദിനം: ദിലീപിന്റെ മുൻകൂർ ജാമ്യാപേക്ഷ കോടതി ഇന്ന് പരിഗണിക്കും ദിലീപിനെതിരെ നിർണായക തെളിവ് ലഭിച്ചതായി ക്രൈംബ്രാഞ്ച്; മുൻകൂർ ജാമ്യഹർജി ഇന്നുച്ചയ്ക്ക് പരിഗണിക്കും പത്രിക തള്ളിയതിനെതിരായ ഹർജി ഹൈക്കോടതി ഇന്ന് പരിഗണിക്കും; ബിജെപിക്ക് നിർണായകം