മലപ്പുറത്ത് പീഡന പരാതി നൽകിയതിന് ഭാര്യയെ വെട്ടിപ്പരിക്കേൽപ്പിച്ച് ഭർത്താവ്

മലപ്പുറം: കഴിഞ്ഞ രണ്ട് ദിവസങ്ങൾക്കുള്ളിൽ ഗാർഹി പീഡന/സ്ത്രീധന പീഡനത്തെ തുടർന്ന് അഞ്ചിലധികം പെൺകുട്ടികളാണ് സംസ്ഥാനത്ത് ആത്മഹത്യ ചെയ്തത്. ഓരോ റിപ്പോർട്ട് വരുമ്പോഴും സ്ത്രീകൾ പരാതി നൽകാത്തതെന്തെന്ന ചോദ്യമാണ് നിരവധിയിടങ്ങളിൽ നിന്നുമുയർന്നത്. എന്നാൽ പരാതി നൽകിയാലും സ്ത്രീകളുടെ ജീവിതത്തിനു യാതൊരു സുരക്ഷയുമില്ലെന്ന് വ്യക്തമാകുന്ന ഞെട്ടിക്കുന്ന സംഭവമാണ് മലപ്പുറത്ത് നിന്നും പുറത്തുവരുന്നത്.

ഗാർഹിക പീഡന പരാതി നൽകിയ ഭാര്യയെ വെട്ടിപ്പരിക്കേൽപ്പിച്ച് ഭർത്താവ്. മലപ്പുറം വഴിക്കടവിലാണ് ഞെട്ടിക്കുന്ന സംഭവമുണ്ടായത്. മലപ്പുറം വഴിക്കടവ് സ്വദേശി മുഹമ്മദ് സലിം എന്നയാളാണ് ഭാര്യയെ കോടാലി കൊണ്ട് വെട്ടിപ്പരിക്കേൽപ്പിച്ചത്. ഭാര്യ സീനത്ത് ഗുരുതര പരിക്കുകളോടെ കോഴിക്കോട് മെഡിക്കൽ കോളേജിൽ ചികിത്സയിലാണ്.

കഴിഞ്ഞ ദിവസമാണ് സീനത്ത് ഭർത്താവിനെതിരെ ഗാർഹിക പീഡന പരാതി നൽകിയത്. പോലീസ് വിളിച്ച് മുഹമ്മദ് അലിയെ ചോദ്യം ചെയ്തിരുന്നു. മുന്നറിയിപ്പ് നൽകി വിട്ടയച്ചെങ്കിലും ഇയാൾ വീട്ടിലെത്തി ഭാര്യയുമായി ഇതിനെ ചൊല്ലി വഴക്കുണ്ടാക്കുകയും ക്രൂരമായി മർദ്ദിക്കുകയും ശേഷം കോടാലി കൊണ്ട് വെട്ടിപ്പരിക്കേൽപ്പിക്കുകയുമായിരുന്നു.

Read More

ഭാര്യയെ കുത്തിക്കൊന്നു; രക്തത്തിൽ കുളിച്ചുകിടന്ന മൃതദേഹത്തിന് സമീപത്തിരുന്ന് ഭർത്താവ് വീഡിയോ ഗെയിം കളിച്ചു കോട്ടയത്ത് മദ്യപിച്ചെത്തിയ ഭർത്താവ് ഭാര്യയെ ചുറ്റിക കൊണ്ടു അടിച്ചു കൊലപ്പെടുത്തി തിരുവനന്തപുരം നെടുമങ്ങാട് ഭാര്യയെ വെട്ടിക്കൊന്ന ശേഷം ഭർത്താവ് ആത്മഹത്യക്ക് ശ്രമിച്ചു തിരുവല്ലയിൽ ഭാര്യയെ തീ കൊളുത്തി കൊന്ന ശേഷം ഭർത്താവ് തൂങ്ങിമരിച്ചു