സിക്കിം ലോട്ടറിക്ക് നികുതി ഏർപ്പെടുത്തിയ കേരളത്തിന്റെ തീരുമാനം സുപ്രീം കോടതി ശരിവെച്ചു

സിക്കിം ലോട്ടറിക്ക് പേപ്പർ ലോട്ടറി നിയമപ്രകാരം നികുതി ഏർപ്പെടുത്തിയ കേരളത്തിന്റെ നടപടി ശരിവെച്ച് സുപ്രീം കോടതി. ചൂതാട്ടത്തിന്റെ പരിധിയിൽ ലോട്ടറി വരുന്നതിനാൽ സംസ്ഥാനത്തിന് നികുതി പിരിക്കാമെന്ന് കോടതി അറിയിച്ചു. 2005ലെ നിയമത്തിന്റെ അടിസ്ഥാനത്തിൽ പിരിച്ച നികുതി സിക്കിമിന് കൈമാറണമെന്ന കേരള ഹൈക്കോടതി ഉത്തരവ് സുപ്രീം കോടതി റദ്ദാക്കി

മൂല്യവർധിത നികുതി നിലവിൽ വരികയും ലോട്ടറി നറുക്കെടുപ്പിലൂടെ ലൈസൻസ് ഫീ ജനറൽ ആക്ട് പ്രകാരം നികുതി ഇല്ലാതാകുകയും ചെയ്തതോടെയാണ് കേരളം പ്രത്യേക നികുതി ഏർപ്പെടുത്തിയത്. 2005ലാണ് കേരളം നികുതി ഏർപ്പെടുത്തി നിയമം പാസാക്കിയത്. എന്നാൽ സിക്കിം സർക്കാരും പാലക്കാട്ടെ മേഘ ഡിസ്ട്രിബ്യൂട്ടേഴ്‌സ് പ്രൊപ്പൈറ്ററും നൽകിയ അപ്പീൽ പരിഗണിച്ച ഹൈക്കോടതി നിയമത്തിലെ സുപ്രധാന വ്യവസ്ഥകൾ റദ്ദാക്കി.

ഒരു സംസ്ഥാനത്തിന്റെ സംരഭത്തിന് മേൽ മറ്റൊരു സംസ്ഥാനത്തിന് നികുതി ഏർപ്പെടുത്താൻ ആകില്ലെന്നായിരുന്നു ഹൈക്കോടതി വിധി. ഈടാക്കിയ നികുതി തിരികെ നൽകാനും കോടതി വിധിച്ചിരുന്നു. ഇതിനെതിരെയാണ് കേരളം സുപ്രീം കോടതിയെ സമീപിച്ചത്.

Read More

മുല്ലപ്പെരിയാർ: റൂൾ കർവ് പുനഃപരിശോധിക്കണമെന്ന് കേരളം; സുപ്രീം കോടതിയിൽ സത്യവാങ്മൂലം രഹ്ന ഫാത്തിമക്ക് അഭിപ്രായം പറയുന്നതിന് വിലക്കേർപ്പെടുത്തിയ നടപടി സുപ്രീം കോടതി സ്‌റ്റേ ചെയ്തു മുല്ലപ്പെരിയാർ: സംയുക്ത സമിതി രൂപീകരിക്കണമെന്ന കേരളത്തിന്റെ ആവശ്യം സുപ്രീം കോടതി തള്ളി മുല്ലപ്പെരിയാർ: മുന്നറിയിപ്പില്ലാതെ ഷട്ടർ തുറക്കുന്നതിനെതിരെ കേരളത്തിന്റെ ഹർജി സുപ്രീം കോടതി നാളെ പരിഗണിക്കും