പുറത്താക്കിയ എസ്എഫ്ഐ പ്രവർത്തകരെ തിരിച്ചെടുക്കണമെന്നാവശ്യം, ചേർത്തല എൻഎസ്എസ് കോളജിൽ സംഘർഷം; കോളജ് അടച്ചു

ആലപ്പുഴ ചേർത്തല എൻഎസ്എസ് കോളജ് എസ്എഫ്ഐ സമരത്തെ തുടർന്ന് അനിശ്ചിത കാലത്തേക്ക് അടച്ചു. മാർച്ചിൽ കോളജിൽ നിന്ന് പുറത്താക്കിയ രണ്ട് എസ്എഫ്ഐ പ്രവർത്തകരെ തിരിച്ചെടുക്കണമെന്നാവശ്യപ്പെട്ടായിരുന്നു സമരം. എന്നാൽ സമരത്തിന്റെ പേരിൽ എസ്എഫ്ഐ നേതാക്കൾ കോളജിൽ അക്രമം നടത്തിയെന്ന് പ്രിൻസിപ്പൽ ആരോപിച്ചു. സംഘർഷത്തിൽ കേസെടുക്കുമെന്ന് പൊലീസ് അറിയിച്ചു.

കഴിഞ്ഞ മാർച്ച് മാസം കോളജ് ആർട്സ് ഡേ ആഘോഷത്തോടനുബന്ധിച്ച് ഡാൻസ് നടത്തുന്നത് പ്രിൻസിപ്പാൾ തടഞ്ഞിരുന്നു. എന്നാൽ വിലക്ക് മറികടന്ന് വിദ്യാർത്ഥികൾ ഡാൻസ് അവതരിപ്പിച്ചു. ഇതിനെതർന്നാണ് കോളജ് യൂണിയൻ ചെയർമാൻ അതുൽ രാധാകൃഷ്ണനേയും, ജനറൽ സെക്രട്ടറി പ്രണവ് പ്രകാശിനെയും പുറത്താക്കിയത്. ഇവരെ തിരിച്ചെടുക്കണമെന്നാവശ്യപ്പെട്ടായിരുന്നു എസ്എഫ്ഐ പ്രവർത്തകർ
കോളജിലേയ്ക്ക് മാർച്ച് നടത്തിയത്.

മാർച്ചിനിടെ ഗെയ്റ്റ് തള്ളിതുറന്ന് പ്രവർത്തകർ അകത്ത് കയറി. ഇവരെ തടയാൻ ശ്രമിച്ച പൊലീസുമായി ഉന്തും തള്ളുമുണ്ടായി. എസ്എഫ്ഐ ജില്ലാ സെക്രട്ടറി എം.ശിവപ്രസാദ് അടക്കമുള്ളവരും പൊലീസുമായി വാക്കേറ്റമുണ്ടായി. സമരത്തിന്റെ പേരിൽ എസ്എഫ്ഐ പ്രവർത്തകർ അതിക്രമം കാണിച്ചു എന്ന് പ്രിൻസിപ്പൽ അറിയിച്ചു. സംഘർഷ സാധ്യത കണക്കിലെടുത്താണ് കോളജ് അനിശ്ചിതകാലത്തേക്ക് അടച്ചത്.

Read More

പ്രിൻസിപ്പലിനെ എസ്എഫ്ഐ പ്രവർത്തകർ തടഞ്ഞു വെച്ച് മുറിപൂട്ടി; കാര്യവട്ടം കോളജിൽ സംഘർഷം, ലാത്തി വീശി പ്രിൻസിപ്പലിനെ പുറത്തെത്തിച്ച് പൊലീസ് എസ്എഫ്ഐ എഐഎസ്എഫ് പ്രവർത്തകർ തമ്മിൽ ഏറ്റുമുട്ടി’;വിദ്യാർത്ഥികൾ ആശുപത്രിയിൽ പോളിടെക്നിക്ക് കോളജ് പ്രവേശനോത്സവത്തിൽ എസ്എഫ്ഐ – എബിവിപി സംഘർഷം; പ്രവർത്തകർക്ക് പരുക്ക് കൊട്ടാരക്കര എസ് ജി കോളജിൽ എസ്എഫ്ഐ – കെഎസ്‌യു സംഘർഷം; മൂന്ന് കെഎസ്‌യു പ്രവർത്തകർക്ക് പരുക്ക്