കേരളത്തിന് അധിക വായ്പയെടുക്കാൻ അനുമതി നൽകി കേന്ദ്രം

ന്യൂഡൽഹി: കേരളത്തിന് അധികമായി 2,255 കോ‌ടി രൂപ വായ്പയെടുക്കാൻ കേന്ദ്ര ധനവിനിയോ​ഗ വകുപ്പ് അനുമതി നൽകി. 11 സംസ്ഥാനങ്ങൾക്കുമായി 15,721 കോടി രൂപയുടെ അധിക വായ്പാ അനുമതിയാണ് കേന്ദ്ര സർക്കാർ നൽകിയിരിക്കുന്നത്.

സാമ്പത്തിക വർഷത്തിന്റെ ഒന്നാം പാദത്തിലെ മൂലധന ചെലവിനായി കേന്ദ്രം നിശ്ചയിച്ച ലക്ഷ്യം കൈവരിച്ച 11 സംസ്ഥാനങ്ങൾക്കാണ് അനുമതി. വികസന പദ്ധതികൾക്കുളള ചെലവാണ് മൂലധന ചെലവായി കേന്ദ്ര സർക്കാർ കണക്കാക്കുന്നത്. സംസ്ഥാന ജിഡിപിയുടെ 0.25 ശതമാനത്തിന് തുല്യമായ തുകയ്ക്കാണ് ഓരോ സംസ്ഥാനത്തിനും വായ്പയെടുക്കാൻ അനുമതി ലഭിച്ചിരിക്കുന്നത്.

കേരളം, ഉത്താരഖണ്ഡ്, രാജസ്ഥാൻ, നാ​ഗാലാൻഡ്, മേഘാലയ, മണിപ്പൂർ, ആന്ധ്രപ്രദേശ്, ബീഹാർ, ഛത്തീസ്​ഗഡ്, ഹരിയാന, മധ്യപ്രദേശ് എന്നിവയാണ് അധിക വായ്പാ അനുമതി ലഭിച്ച സംസ്ഥാനങ്ങൾ.

Read More

ജി എസ് ടി കുടിശ്ശിക വിതരണം ചെയ്ത് കേന്ദ്രം; കേരളത്തിന് 4122 കോടി രൂപ ലഭിക്കും രാജ്യത്ത് കൊവിഡ് പ്രതിരോധ വാക്‌സിന് ഉടൻ അനുമതി നൽകുമെന്ന് കേന്ദ്ര ആരോഗ്യമന്ത്രി ഹർഷ വർധൻ കോവിഡ് വ്യാപനം: കേരളത്തിന് മുന്നറിയിപ്പുമായി കേന്ദ്ര ആരോഗ്യമന്ത്രാലയം കൊവിഡ് നിയന്ത്രണങ്ങൾ കർശനമാക്കണം: കേരളത്തിന് നിർദേശവുമായി കേന്ദ്രം