‘ലീഗിന് നട്ടെല്ലുണ്ട്, ഗോവിന്ദന് ഇപ്പോഴും കാര്യങ്ങൾ വ്യക്തമായിട്ടില്ല’: കെ സുധാകരൻ
സിപിഐഎം സെമിനാറിൽ മുസ്‌ലിം ലീഗ് പോവാത്തത് നട്ടെല്ല് ഉള്ളതുകൊണ്ടെന്ന് കെപിസിസി അധ്യക്ഷൻ കെ സുധാകരൻ. എം വി ഗോവിന്ദന് മാത്രം ഇപ്പോഴും കാര്യങ്ങൾ വ്യക്തമായിട്ടില്ല. സിപിഐഎമ്മിലെ അഭിപ്രായ വ്യത്യാസങ്ങൾ വരും ദിവസങ്ങളിൽ പുറത്തുവരും. അതിന്റെ ഭാഗമാണ് ഇ പി ജയരാജൻ സെമിനാറിൽ പങ്കെടുക്കാത്തത്. വരും ദിവസങ്ങളിൽ അഭിപ്രായ വ്യത്യാസങ്ങൾ കൂടുതൽ പുറത്തു വരുമെന്നും കെ സുധാകരൻ പ്രതികരിച്ചു.
പാർട്ടി തീരുമാനം എല്ലാവർക്കും ബാധകം, സെമിനാറിൽ ആരെയും പ്രത്യേകം ക്ഷണിക്കേണ്ടതില്ലെന്ന് എംവി ഗോവിന്ദൻ പ്രതികരിച്ചു. സിപിഐഎം ജനറൽ സെക്രട്ടറിയാണ് പരിപാടി ഉദ്ഘാടനം ചെയ്യുന്നത്. ആ പരിപാടിയിൽ കേന്ദ്രകമ്മിറ്റിയംഗങ്ങളും പിബി അംഗങ്ങളും പങ്കെടുക്കണം. പാർട്ടി തീരുമാനം എല്ലാവർക്കും ബാധകമാണെന്നും അദ്ദേഹം വ്യക്തമാക്കി.
കോഴിക്കോട്ടെ സെമിനാർ ഏകീകൃത സിവിൽ കോഡുമായി ബന്ധപ്പെട്ട സിപിഐഎമ്മിന്റെ ആദ്യത്തെ പരിപാടിയാണ്. ഇടതുമുന്നണിയുടെ പരിപാടിയല്ല. ജയരാജന്റെ പേര് നോട്ടീസിൽ ഉണ്ടായിരുന്നില്ല. എന്നാൽ ഇനിയും സെമിനാറുകളും പരിപാടികളും എല്ലാ ജില്ലകളിലും സിപിഐഎം സംഘടിപ്പിക്കും. അവിടങ്ങളിൽ ഇപി ജയരാജൻ അടക്കമുള്ള നേതാക്കൾ പങ്കെടുക്കും. കോഴിക്കോട്ടെ സെമിനാറിൽ പങ്കെടുക്കാത്തതിന്റെ കാരണം ജയരാജനോട് തന്നെ ചോദിക്കണമെന്നും എംവി ഗോവിന്ദൻ പറഞ്ഞു.
Read More
സിപിഐഎം സെമിനാറിൽ പങ്കെടുത്താൽ നടപടി; തീരുമാനം ജനങ്ങളുടെ വികാരം മാനിച്ചെന്ന് കെ സുധാകരൻ
എം.വി ഗോവിന്ദൻ നയിക്കുന്ന സിപിഐഎം ജാഥയിൽ പങ്കെടുക്കാതെ ഇ.പി ജയരാജൻ
രാഹുൽ ഗാന്ധിയാണ് ഇവിടെ പ്രശ്നം, പിന്തുണ അദ്ദേഹത്തിന് അല്ലെങ്കിൽ ആർക്കെന്ന് ഗോവിന്ദൻ മാഷ് വ്യക്തമാക്കണം; കെ.സുധാകരൻ
‘പീഡനം നടക്കുമ്പോൾ സുധാകരൻ അവിടെയുണ്ടായിരുന്നു, വിവരം അറിഞ്ഞിട്ടും ഇടപെട്ടില്ല’; മോൻസൺ കേസിൽ കെ സുധാകരനെതിരെ എം.വി ഗോവിന്ദൻ