ലോകായുക്ത ഭേദഗതി; സമവായ നിർദ്ദേശവുമായി സി.പി.ഐ, സി.പി.ഐ.എമ്മുമായി ചർച്ച നടത്തും

ലോകായുക്ത ഭേദഗതിയിൽ സമവായ നിർദ്ദേശവുമായി സി.പി.ഐ രം​ഗത്ത്. സ്വതന്ത്ര സ്വഭാവമുള്ള ഉന്നത സമിതി രൂപീകരിക്കണമെന്നും ലോകായുക്തയുടെ തീർപ്പ് തള്ളാൻ അധികാരം നൽകണമെന്നുമാണ് സി.പി.ഐയുടെ നിർദേശം.
ഉഭയകക്ഷി ചർച്ചയിൽ ബദൽ നിർദേശം മുന്നോട്ടു വെക്കും. 20 ന് കൊല്ലത്തു ചേരുന്ന സംസ്ഥാന നിർവാഹക സമിതിയിൽ അന്തിമ തീരുമാനമെടുക്കും.

ഭേദഗതി വരുമ്പോൾ ലോകായുക്തയുടെ തീർപ്പുകൾ പുനപരിശോധിക്കാനുള്ള അധികാരം സംസ്ഥാന സർക്കാരിനായിരിക്കും. അത് പാടില്ലെന്നാണ് നേരത്തേ തന്നെ സി.പി.ഐ ഉന്നയിക്കുന്ന ആവശ്യം. ലോകായുക്തയുടെ മൂർച്ച ഇല്ലാതാക്കുന്ന നടപടിയാണതെന്നാണ് ആദ്യം മുതലേ സി.പി.ഐയുടെ വിമർശനം. എന്നാൽ നിയമഭേദ​ഗതിയുമായി മുന്നോട്ട് പോകാൻ തന്നെയാണ് സി.പി.ഐ.എമ്മിന്റെ തീരുമാനം. അതിനിടയിലാണ് സമവായ നിർദ്ദേശവുമായി സി.പി.ഐ രം​ഗത്തെത്തുന്നത്.

തീർപ്പുകൾ പുനപരിശോധിക്കാനുള്ള അധികാരം സർക്കാരിന് നൽകുന്നതിന് പകരം സ്വതന്ത്ര സ്വഭാവമുള്ള ഉന്നത സമിതിക്ക് നൽകണമെന്നാണ് സി.പി.ഐയുടെ നിർദേശം. നിയമവശങ്ങൾ പരിശോധിച്ച് നടപടി കൈക്കൊള്ളണമെന്നാണ് സി.പി.ഐ ആവശ്യപ്പെടുന്നത്. ഉടൻ സി.പി.ഐ.എം നേതാക്കളുമായി സി.പി.ഐ ചർച്ച നടത്തുമെന്നാണ് അറിയുന്നത്.

Read More

ലോകായുക്ത നിയമ ഭേദഗതി; രാഷ്ട്രപതിയുടെ അനുമതി ആവശ്യമില്ല, ഗവര്‍ണര്‍ക്ക് വിശദീകരണം നല്‍കി സര്‍ക്കാര്‍ ലോകായുക്ത ഭേദഗതി ഓർഡിനൻസ്: മുഖ്യമന്ത്രിയെ രക്ഷിക്കാനുള്ള ശ്രമമെന്ന് വി ഡി സതീശൻ സംസ്ഥാന സർക്കാരിനെ അസ്ഥിരപ്പെടുത്താനുള്ള കേന്ദ്രം നീക്കം തടയാനാണ് ലോകായുക്ത ഭേദഗതി: കോടിയേരി മന്ത്രി ബിന്ദുവിന് ക്ലീൻ ചിറ്റ് നൽകിയ ലോകായുക്ത വിധിക്കെതിരെ പുനഃപരിശോധന ഹർജി നൽകും: ചെന്നിത്തല