ജലീൽ നല്ലൊരു ഇടത് സഹയാത്രികനായി തന്നെ തുടരും; തള്ളിയെന്ന പ്രചാരണം തെറ്റ്: മുഖ്യമന്ത്രി

എ ആർ സഹകരണ ബാങ്ക് ക്രമക്കേട് വിഷയത്തിൽ കെ ടി ജലീലിനെ തള്ളിയിട്ടില്ലെന്ന് മുഖ്യമന്ത്രി പിണറായി വിജയൻ. കെ ടി ജലീൽ നല്ലൊരു ഇടത് സഹയാത്രികനായി തുടരും. കേരളത്തിലെ സഹകരണ മേഖലയുമായി ബന്ധപ്പെട്ട് എന്തെങ്കിലും തെറ്റായ കാര്യങ്ങളുണ്ടായാൽ അത് പരിശോധിക്കുന്നതിനും നടപടിയെടുക്കുന്നതിനും സഹകരണ വകുപ്പുണ്ട്

ഈ പറഞ്ഞ പ്രത്യേക ബാങ്കിന്റെ കാര്യത്തിലും സഹകരണ വകുപ്പ് നടപടി ആരംഭിച്ചതാണ്. കോടതി സ്‌റ്റേയുള്ളതിനാലാണ് തുടരാൻ പറ്റാത്തത്. അതിന് ഇ ഡി വരേണ്ട ആവശ്യമില്ല. ഇ ഡി വരേണ്ട സാഹചര്യം ഒരുക്കേണ്ടതില്ല. വിഷയത്തിൽ ഇ ഡി വരികയെന്ന് ഉദ്ദേശിച്ചിട്ടില്ലെന്ന് ജലീൽ തന്നെ വ്യക്തമാക്കിയ കാര്യമാണ്. ബാങ്കുമായി ബന്ധപ്പെട്ട കാര്യങ്ങൾ ഇ ഡിയുടെ മുന്നിൽ ഉന്നയിച്ചിട്ടില്ല. ചന്ദ്രികയുമായി ബന്ധപ്പെട്ട വിഷയങ്ങളാണ് ഇ ഡിയുടെ മുന്നിൽ ഉന്നയിച്ചതെന്ന് ജലീൽ വ്യക്തമാക്കിയതാണ്.

ജലീലിനെ സിപിഎം തള്ളിയെന്നൊരു പ്രചാരണം കണ്ടു. എന്നാൽ ജലീൽ നല്ലൊരു ഇടത് സഹയാത്രികനായാണ് പ്രവർത്തിച്ചിട്ടുള്ളത്. അത് തുടരും. ലീഗിനോടുള്ള സമീപനത്തിൽ മാറ്റമുണ്ടാകില്ല. കെ ടി ജലീൽ വ്യക്തിവിരോധം തീർക്കുന്നുവെന്ന് ആരും പറഞ്ഞിട്ടില്ലെന്നും മുഖ്യമന്ത്രി പറഞ്ഞു.

Read More

ജലീൽ ഒരു തെറ്റും ചെയ്തിട്ടില്ല, രാജിവെക്കേണ്ടതില്ല; പിന്തുണ ആവർത്തിച്ച് മുഖ്യമന്ത്രി മുഖ്യമന്ത്രിയുമായി കൂടിക്കാഴ്ച നടത്തി; എ ആർ നഗർ പൂരം വെടിക്കെട്ട് തുടങ്ങുന്നുവെന്ന് കെ ടി ജലീൽ ബന്ധുനിയമനം: ലോകായുക്ത വിധിക്കെതിരെ മന്ത്രി ജലീൽ ഇന്ന് ഹൈക്കോടതിയെ സമീപിച്ചേക്കും ചോദ്യം ചെയ്യൽ നാളെയും തുടരും: എം ശിവശങ്കരൻ ഇന്ന് കൊച്ചിയിൽ തന്നെ തുടരും