പുതുപ്പള്ളി ഉപതിരഞ്ഞെടുപ്പ്; വിജ്ഞാപനം പുറത്തിറങ്ങി

2023 സെപ്റ്റംബര്‍ അഞ്ചിന് നടക്കുന്ന പുതുപ്പള്ളി ഉപതിരഞ്ഞെടുപ്പിന്റെ വിജ്ഞാപനം പുറത്തിറങ്ങി. ഇന്നു മുതൽ ആഗസ്റ്റ് 17 വരെ നാമനിർദേശ പത്രിക സമർപ്പിക്കാം. നാമനിർദേശ പത്രികകളുടെ സൂഷ്മപരിശോധന ആ​​ഗസ്റ്റ് 18 ന് നടക്കും. പത്രിക പിൻവലിക്കാനുള്ള അവസാന തീയതി ആ​ഗസ്റ്റ് 21 ആണ്. സെപ്റ്റംബര്‍ അഞ്ചിന് തെരഞ്ഞെടുപ്പ് നടക്കും. രാവിലെ ഏഴു മണി മുതൽ വൈകുന്നേരം ആറു മണി വരെയാണ് പോളിങ്. സെപ്റ്റംബര്‍ എട്ടിനാണ് വോട്ടെണ്ണല്‍.

പോളിങ് ശതമാനം ഉയർത്തുന്നതിനൊപ്പം, പരമാവധി പുതിയ വോട്ടർമാരെ പോളിം​ങ് ബൂത്തിലെത്തിക്കുകയാണ് ലക്ഷ്യമെന്ന് സംസ്ഥാന മുഖ്യ തിരഞ്ഞെടുപ്പ് ഓഫീസർ സഞ്ജയ് കൗൾ അറിയിച്ചു. ഭിന്ന ശേഷി സൗഹൃദ ബൂത്തുകളും ​ഗ്രീൻ പ്രോട്ടോക്കോൾ പാലിച്ചുള്ള ഹരിത ബൂത്തുകളും തിരഞ്ഞെടുപ്പിനായി ഒരുക്കുമെന്നും അദ്ദേഹം വ്യക്തമാക്കി.

പുതുപ്പള്ളി മണ്ഡലത്തിലെ സുപ്രധാന വിവരങ്ങൾ ചുവടെ (ഇന്നത്തെ കണക്ക്; 10/08/2023)

ആകെ വോട്ടർമാർ – 1,75,605
സ്ത്രീ വോട്ടർമാർ – 89,897
പുരുഷ വോട്ടർമാർ – 85,705
ഭിന്ന ലിംഗ വോട്ടർമാർ – 3
സ്ത്രീ പുരുഷ അനുപാതം – 1049
80 വയസിനു മുകളിലുള്ള വോട്ടർമാർ – 6376
ഭിന്നശേഷിക്കാരായ വോട്ടർമാർ – 1765
(M 1023+ F 742)
പ്രവാസി വോട്ടർമാർ – 181 (M 133 +F 48)
സർവീസ് വോട്ടർമാർ – 138
പോളിംങ് സ്റ്റേഷനുകളുടെ എണ്ണം – 182
ആകെ പോളിങ് ലൊക്കേഷനുകളുടെ എണ്ണം – 96
നോമിനേഷൻ സമർപ്പിക്കാവുന്ന അവസാന തീയതിയായ ആഗസ്റ്റ് 17 വരെ വോട്ടർ പട്ടികയിൽ പേര് ചേർക്കാവുന്നതാണ്.
ഉപതിരഞ്ഞെടുപ്പിൽ എല്ലാ പോളിങ് സ്റ്റേഷനുകളിലും ഇവിഎമ്മുകളും വിവിപാറ്റുകളും ഉപയോഗിക്കും. ആവശ്യാനുസരണം ഇവിഎമ്മുകളും വിവിപാറ്റുകളും ലഭ്യമാക്കുകയും മെഷീനുകളുടെ സഹായത്തോടെ വോട്ടെടുപ്പ് സുഗമമായി നടത്തുന്നതിനും എല്ലാ നടപടികളും സ്വീകരിച്ചിട്ടുണ്ട്. ക്രിമിനൽ പശ്ചാത്തലമുള്ള സ്ഥാനാർത്ഥികൾ ടെലിവിഷനിലൂടെയും പത്രത്തിലൂടെയും പ്രചരണ സമയത്ത് 3 തവണ ഇത് സംബന്ധിച്ച വിവരം പരസ്യപ്പെടുത്തേണ്ടതുണ്ട്. ക്രിമിനൽ പശ്ചാത്തലമുള്ള സ്ഥാനാർത്ഥിയെ മത്സരിപ്പിക്കുന്ന പാർട്ടികൾ വെബ്സൈറ്റിലും വിവരം പരസ്യപ്പെടുത്തണം.

Read More

പുതുപ്പള്ളി ഉപതെരഞ്ഞെടുപ്പിലേക്ക്; വിജ്ഞാപനം പുറത്തിറക്കി തെരഞ്ഞെടുപ്പ് കമ്മിഷന്‍ പുതുപ്പള്ളി മണ്ഡലം നിലനിർത്താനുറച്ച് കോൺ​ഗ്രസ്; പ്രതീക്ഷ കൈവിടാതെ എൽഡിഎഫും പുതുപ്പള്ളി വിട്ട് എങ്ങോട്ടുമില്ല; നേമത്ത് മത്സരിക്കാനില്ലെന്ന് ഉമ്മൻ ചാണ്ടി 1199 തദ്ദേശ ഭരണ സ്ഥാപനങ്ങളിലേക്കായി 2.71 കോടി വോട്ടർമാർ; കൊവിഡ് രോഗികൾക്കും നിരീക്ഷണത്തിലുള്ളവർക്കും പോസ്റ്റൽ വോട്ട്