നേതൃത്വത്തോടുളള അതൃപ്തി; പാലക്കാട് യൂത്ത് കോൺഗ്രസിൽ വീണ്ടും കൂട്ടരാജി

രാഹുൽഗാന്ധിയുടെ നേതൃത്വത്തിൽ കോൺഗ്രസിന്റെ തിരിച്ചുവരവിന് രാജ്യം ആഗ്രഹിക്കുമ്പോൾ യൂത്ത് കോൺഗ്രസ് പാലക്കാട് ജില്ലാ നേതൃത്വം ജനാധിപത്യത്തേയും മതേതരത്വത്തേയും തകർക്കുന്ന പ്രവർത്തനങ്ങൾ നേതൃത്വം നടത്തുന്നുവെന്നാണ് പരാതി. ജില്ലാ സമ്മേളന നടത്തിപ്പിൽ നിന്ന് വിട്ടുനിന്ന എട്ട് മണ്ഡലം കമ്മറ്റികൾ സംസ്ഥാന നേതൃത്വം നേരത്തെ പിരിച്ചുവിട്ടിരുന്നു. ഇതിന് പിന്നാലെ ജില്ലയിൽ കലാപം പൊട്ടിപ്പുറപ്പെടുകയും നെന്മാറ, ലക്കിടി, പേരൂർ മണ്ഡലം കമ്മറ്റികളിൽ നിന്ന് നൂറോളം പേർ രാജി വെക്കുകയും ചെയ്തിരുന്നു.

ഇതിനിടെ യൂത്ത് കോൺഗ്രസ് സംസ്ഥാന അധ്യക്ഷൻ ഷാഫി പറമ്പിലിനെതിരെ പാലക്കാട് നഗരത്തിൽ പോസ്റ്ററുകൾ പ്രത്യക്ഷപെട്ടു. ജില്ലാ പ്രസിഡന്റ് ടിഎച്ച് ഫിറോസ് ബാബുവിന്റെയും ഷാഫിയുടെയും ഏകാധിപത്യവും ഗ്രൂപ്പിസവും അവസാനിപ്പിക്കണം എന്ന് ആവശ്യപ്പെട്ടുകൊണ്ടാണ് പോസ്റ്ററുകൾ. ‘ഷോഫി’ ഫാൻസ് പാലക്കാട്ടെ കോൺഗ്രസിന് ബാധിച്ച കാൻസർ എന്നുൾപ്പെടെ പോസ്റ്ററിൽ എഴുതിയിട്ടുണ്ട്.

Read More

പാലക്കാട് ജില്ലയിലെ 10 യൂത്ത് കോണ്‍ഗ്രസ് മണ്ഡലം കമ്മറ്റികള്‍ പിരിച്ചുവിട്ടു കെ റെയിൽ വിശദീകരണ യോഗം അലങ്കോലമാക്കാൻ പോയ യൂത്ത് കോൺഗ്രസ് നേതാക്കൾക്ക് മർദനമേറ്റു ഷാഫിക്കും ശബരിനാഥനും ദേഹാസ്വസ്ഥ്യം; സമരം തുടരണമോയെന്ന കാര്യത്തിൽ യൂത്ത് കോൺഗ്രസിൽ ചർച്ച സുൽത്താൻ ബത്തേരിയിൽ എസ് എഫ് ഐ – യൂത്ത് കോൺഗ്രസ് സംഘർഷം; 9 പേർക്ക്  പരിക്ക്