15 വയസ്സുകാരിക്ക് നേരെ ലൈംഗിക അതിക്രമം; ഇരുപത്തിരണ്ടുകാരന് 22 വർഷം കഠിന തടവും 150000 രൂപ പിഴയും
പാലക്കാട്‌ കല്ലടിക്കോട് 15 വയസ്സുകാരിക്ക് നേരെ ലൈംഗിക അതിക്രമം നടത്തിയ കേസിൽ ഇരുപത്തിരണ്ട്കാരന് 22 വർഷം കഠിന തടവും ഒരു ലക്ഷത്തി അമ്പതിനായിരം രൂപ പിഴയും. പട്ടാമ്പി പോക്സോ അതിവേഗ കോടതിയാണ് ശിക്ഷ വിധിച്ചത്.
2022 ലാണ് കേസിനാസ്പദമായ സംഭവം നടക്കുന്നത്.പതിനഞ്ച് വയസുകാരിക്ക് നേരെ പ്രതി ലൈംഗികാതിക്രമം നടത്തുകയായിരുന്നു. കേസിൽ കൊല്ലം ശൂരനാട് സ്വദേശി ഉമ്മടത്ത് വീട്ടിൽ ആദർശിന് 22 വർഷം കഠിന തടവും 150000 രൂപ പിഴയും ശിക്ഷയായി നൽകാൻ പട്ടാമ്പി പോക്സോ അതിവേഗ കോടതി ജഡ്ജ് സതീഷ് കുമാർ ശിക്ഷ വിധിച്ചു. പിഴ സംഖ്യ ഇരക്ക് നൽകാനും കോടതി നിർദേശിച്ചു.
കല്ലടിക്കോട് പോലീസ് സ്റ്റേഷനിൽ സബ് ഇൻസ്പെക്ടർ ആയിരുന്ന ടി ശശികുമാറാണ് കേസ് രജിസ്റ്റർ ചെയ്ത് അന്വേഷണം പൂർത്തിയാക്കി കുറ്റപത്രം സമർപ്പിച്ചത്. പ്രോസിക്യൂഷന് വേണ്ടി അഡ്വക്കേറ്റ് നിഷ വിജയകുമാർ ഹാജരായി.
Read More
പ്രായപൂർത്തിയാകാത്ത പെൺകുട്ടിയെ വിവാഹ വാഗ്ദാനം നൽകി പീഡിപ്പിച്ചു; പ്രതിക്ക് 43 വർഷം കഠിന തടവും പിഴയും
പോക്സോ പീഡന കേസ്: തിരുവനന്തപുരത്ത് ട്രാൻസ് വുമണിന് ഏഴ് വർഷം കഠിന തടവും, പിഴയും
ബാലികയ്ക്ക് നേരെ ലൈംഗികാതിക്രമം; പുരോഹിതന് ഏഴ് വർഷം കഠിന തടവും, പിഴയും
ആറ് വയസുകാരിക്ക് നേരെ ലൈംഗികാതിക്രമം; മദ്രസ അധ്യാപകന് 62 വർഷം തടവ്