അമിതവണ്ണം ഈ കാൻസറിനുള്ള സാധ്യത വർദ്ധിപ്പിക്കുന്നു ; പഠനം
അമിതഭാരവും പൊണ്ണത്തടിയും കാൻസർ ഉൾപ്പെടെയുള്ള നിരവധി ആരോഗ്യപ്രശ്നങ്ങളുമായി ബന്ധപ്പെട്ടിരിക്കുന്നു. അമിതവണ്ണം ദഹനനാളത്തിലെ കാൻസർ വരാനുള്ള സാധ്യത വർദ്ധിപ്പിക്കുന്നതായി ഒരു പുതിയ പഠനം കണ്ടെത്തി.
വേൾഡ് കാൻസർ റിസർച്ച് ഫണ്ടും ഇന്റർനാഷണൽ ഏജൻസി ഫോർ കാൻസർ റിസർച്ചും നടത്തിയ പഠനത്തിലായിരുന്നു അമിതവണ്ണം ഏകദേശം 20% അർബുദങ്ങൾക്ക് കാരണമാകുമെന്ന് കണ്ടെത്തിയിരിക്കുന്നത്.
കൊഴുപ്പ് (അഡിപ്പോസ്) കോശങ്ങൾ രോഗപ്രതിരോധ കോശങ്ങളെ സിഗ്നൽ ചെയ്യുന്നതായി മുൻ പഠനങ്ങൾ തെളിയിച്ചിട്ടുണ്ട്. കാലക്രമേണ അത് കാൻസർ സാധ്യത വർദ്ധിപ്പിക്കുന്നതായി ഗവേഷകർ പറയുന്നു.
ഒഹായോ സ്റ്റേറ്റ് യൂണിവേഴ്സിറ്റി വെക്സ്നർ മെഡിക്കൽ സെന്ററിലെ ഗവേഷകർ ജീവിതത്തിന്റെ വിവിധ ഘട്ടങ്ങളിൽ ബോഡി മാസ് ഇൻഡക്സ് (ബിഎംഐ) തമ്മിലുള്ള ബന്ധവും ജിഐ കാൻസർ വികസിപ്പിക്കാനുള്ള സാധ്യതയും പരിശോധിച്ചു.
ആഗോളതലത്തിൽ പൊണ്ണത്തടി നിരക്ക് ഉയരുകയും അമേരിക്കൻ ജനസംഖ്യയുടെ 70% അമിതവണ്ണമുള്ളവരായി കണക്കാക്കുകയും ചെയ്യുന്നു. പൊണ്ണത്തടിയും കാൻസർ പോലുള്ള ദീർഘകാല രോഗസാധ്യതയും തമ്മിലുള്ള ബന്ധം മനസ്സിലാക്കുന്നത് പൊതുജനാരോഗ്യം മെച്ചപ്പെടുത്തുന്നതിന് നിർണായകമാണെന്ന് ഗവേഷകരിലൊരാളായ ലൂമൻസ്-ക്രോപ്പ് പറഞ്ഞു. ദഹനനാളത്തിൽ വികസിക്കുന്ന കാൻസറാണ് ഗ്യാസ്ട്രോഇന്റസ്റ്റൈനൽ കാൻസർ.
സ്തന, വൻകുടൽ, അന്നനാളം, വൃക്ക, പിത്തസഞ്ചി, ഗർഭാശയം, പാൻക്രിയാറ്റിക്, കരൾ അർബുദം എന്നിവയുൾപ്പെടെ നിരവധി സാധാരണ കാൻസറുകളുമായി പൊണ്ണത്തടി ബന്ധപ്പെട്ടിരിക്കുന്നു. എല്ലാ അർബുദങ്ങളിലും ഏകദേശം 4 മുതൽ 8% പൊണ്ണത്തടി മൂലമാണ്. ഭക്ഷണക്രമം, വ്യായാമം എന്നിവ ഉൾപ്പെടുന്ന ജീവിതശൈലി മാറ്റങ്ങളാണ് പ്രധാന ഘടകം.
പൊണ്ണത്തടി ഒരു സാധാരണ രോഗമാണ്. കൊറോണറി ആർട്ടറി ഡിസീസ്, ഡയബറ്റിസ് മെലിറ്റസ്, ഹൈപ്പർടെൻഷൻ, ഓസ്റ്റിയോ ആർത്രൈറ്റിസ്, സ്ലീപ് ഡിസോർഡേഴ്സ്, മാനസികരോഗങ്ങൾ എന്നിവയുൾപ്പെടെ നിരവധി പ്രധാന വിട്ടുമാറാത്ത രോഗങ്ങളുമായി ബന്ധപ്പെട്ടിരിക്കുന്നു.
