മയക്കുമരുന്നിന്റെ ലഹരിയില്‍ ദുബായി വാട്ടര്‍ കനാലില്‍ ചാടി; യുവാവിന് 5000 ദിര്‍ഹം പിഴ
ദുബായ് വാട്ടര്‍ കനാലില്‍ ചാടിയ യുവാവിന് 5000 ദിര്‍ഹം പിഴ ചുമത്തി. സ്വദേശി പൗരനായ 34കാരനായ യുവാവാണ് ശിക്ഷിക്കപ്പെട്ടത്. ഇയാള്‍ മയക്കുമരുന്നിന്റെ ലഹരിയിലാണ് വാട്ടര്‍ കനാലില്‍ ചാടിയത്. മറൈന്‍ പട്രോളിംഗ് സംഘം രക്ഷപ്പെടുത്തിയ യുവാവിനെ ആശുപത്രിയിലെത്തിച്ചപ്പോഴാണ് ലഹരി ഉപയോഗിച്ചിരുന്നതായി തെളിഞ്ഞത്. തുടര്‍ന്ന് കോടതിയില്‍ ഹാജരാക്കുകയായിരുന്നു.
ക്രിമിനല്‍ ലബോറട്ടറി റിപ്പോര്‍ട്ട് അനുസരിച്ച് ഫെഡറല്‍ നിയമത്തില്‍ ഉള്‍പ്പെടുത്തിയിട്ടുള്ള മയക്കുമരുന്ന് പദാര്‍ത്ഥങ്ങളാണ് പ്രതി ഉപയോഗിച്ചതെന്ന് കണ്ടെത്തി. സൈക്കോട്രോപിക് ലഹരി വസ്തുക്കള്‍ ഇയാള്‍ ഉപയോഗിച്ചെന്ന് പരിശോധനയില്‍ വ്യക്തമായെങ്കിലും പ്രതി കോടതിയില്‍ കുറ്റം നിഷേധിച്ചിരുന്നു.
താന്‍ ലഹരി ഉപയോഗിച്ചത് മാനസിക രോഗത്തിന്റെ ഭാഗമായാണെന്ന് യുവാവ് കോടതിയില്‍ വാദിച്ചു. എന്നാല്‍ ഇത് തെളിയിക്കാനാകാതെ വന്നതോടെ കോടതി 5000 ദിര്‍ഹം പിഴ അടയ്ക്കാന്‍ നിര്‍ദേശിക്കുകയായിരുന്നു.
Read More
ജോലിക്കിടെ പൊള്ളലേറ്റു; 3 മില്യണ്‍ ദിര്‍ഹം നഷ്ടപരിഹാരം വേണമെന്ന് വെല്‍ഡര്‍
യുഎഇ ദിര്‍ഹത്തിനെതിരെ ഇന്ത്യന്‍ രൂപ മൂന്നാം ദിവസവും കുതിപ്പ് തുടരുന്നു
സഹപ്രവര്‍ത്തകയെയും മകനെയും കൊല്ലുമെന്ന് ഭീഷണി; യുഎഇയില്‍ ഫാര്‍മസി മാനേജര്‍ക്ക് 10,000 ദിര്‍ഹം പിഴ ചുമത്തി
മധ്യവയസ്‌കനെ വാട്ടര്‍ടാങ്കില്‍ മരിച്ച നിലയില്‍ കണ്ടെത്തി