ഖത്തർ ലോകകപ്പ്; ആദ്യ പകുതിയിൽ ഇം​ഗ്ലണ്ടിന്റെ സർവാധിപത്യം, പിറന്നത് മൂന്ന് ​ഗോളുകൾ

2022 ഖത്തർ ലോകകപ്പിന്റെ രണ്ടാം ദിനത്തിലെ ആദ്യമത്സരത്തിൽ കരുത്തരായ ഇം​ഗ്ലണ്ടിന് ആദ്യ പകുതിയാകും മുമ്പേ മൂന്ന് ​ഗോളുകളുടെ മുൻതൂക്കം. കളിയുടെ 35-ാം നിമിറ്റിൽ ഇം​ഗ്ലണ്ടിന് വേണ്ടി ജൂഡ് ബെല്ലിം​ഗ്ഹാം ആണ് ആദ്യ ​ഗോൾ നേടിയത്. ഇം​ഗ്ലണ്ടിന്റെ പ്രതിരോധ നിര താരം ലൂക്ക് ഷായുടെ അസിസ്റ്റിൽ നിന്നായിരുന്നു ​ഗോൾ.

43ാം മിനിറ്റിൽ ലഭിച്ച കോൺണർ കിക്ക് മുതലാക്കി സാക്കെയാണ് രണ്ടാം ​ഗോൾ നേടിയത്. അധികം വൈകാതെ തന്നെ മൂന്നാം ​ഗോളും പിറന്നു. ആദ്യ പകുതിയുടെ എക്സ്ട്രാ ടൈമിൽ ഹാരി കെയിൻ നൽകിയ മനോഹര പാസ് പോസ്റ്റിലേക്ക് തിരിച്ചുവിടുകയായിരുന്നു റഹീം സ്റ്റെർളിങ്. മത്സരത്തിന്റെ ആരംഭത്തിൽ ഇം​ഗ്ലണ്ട് മുന്നേറ്റങ്ങൾ സമർത്ഥമായി തട‍ഞ്ഞ ഇറാൻ പ്രതിരോധത്തെ തകർക്കുന്നതായിരുന്നു ഈ മൂന്ന് ​ഗോളുകളും

മത്സരത്തിന്റെ തുടക്കം മുതൽ ആക്രമിച്ച് കളിച്ച ഇം​ഗ്ലണ്ടിന്റെ ആത്മവിശ്വാസത്തെ ഒന്നുകൂടി വർധിപ്പിക്കുന്നതായിരുന്നു ആദ്യ ​ഗോൾ. ആ ​ഗോളിന്റെ ആത്മവിശ്വാസത്തിൽ പിന്നീട് കളിച്ച ഇം​ഗ്ലണ്ട് തുടരെ രണ്ട് ​ഗോളുകൽ നേടുകയായിരുന്നു. 79 ശതമാനം ബോൾ പൊസിഷനും ആദ്യ പകുതിയിൽ സ്വന്തമാക്കി ഇം​ഗ്ലണ്ട് സർവാധിപത്യം തുടരുകയാണ്. ഇറാനെ തോൽപിച്ച് ഖത്തറിൽ വരവറിയിക്കാനാണ് ഇംഗ്ലണ്ട് ഒരുങ്ങുന്നത്.

Read More

എട്ട് ഗോളുകൾ അടിച്ചുകയറ്റി ബയേൺ; നാണം കെട്ട് ബാഴ്‌സലോണ മടങ്ങി സാൻ മറീനോയെ എതിരില്ലാത്ത പത്ത് ഗോളുകൾക്ക് മുക്കി ഇംഗ്ലണ്ട്; ഖത്തർ ലോകകപ്പിന് യോഗ്യത സാഫ് കിരീടത്തിൽ മുത്തമിട്ട് ഇന്ത്യൻ ചുണക്കുട്ടികൾ, നേപ്പാളിനെ എതിരില്ലാത്ത മൂന്ന് ഗോളുകൾക്ക് തോൽപിച്ചാണ് കിരീടം നേടിയത് ലിയോണിനെ തകർത്ത് ബയേൺ ചാമ്പ്യൻസ് ലീഗ് ഫൈനലിൽ; കലാശപ്പോരിൽ പി എസ് ജിയെ നേരിടും