സൗജന്യ കൊവിഡ് വാക്‌സിൻ ഉറപ്പാക്കും; ജനക്ഷേമ പ്രവർത്തനങ്ങൾ തുടരും: നയപ്രഖ്യാപനം

രണ്ടാം പിണറായി സർക്കാരിന്റെ ആദ്യ നയപ്രഖ്യാപന പ്രസംഗം ആരംഭിച്ചു. ഒമ്പത് മണിയോടെ സഭയിലെത്തിയ ഗവർണർ ആരിഫ് മുഹമ്മദ് ഖാനെ സ്പീക്കർ എം ബി രാജേഷും മുഖ്യമന്ത്രി പിണറായി വിജയനും ചേർന്ന് സ്വീകരിച്ചു. ജനക്ഷേമ പ്രവർത്തനങ്ങൾ തുടരുമെന്നും മുൻ സർക്കാർ തുടങ്ങിയ പദ്ധതികൾ തുടരുമെന്നും ഗവർണർ പ്രസംഗത്തിൽ പറഞ്ഞു

കൊവിഡ് പ്രതിരോധ പ്രവർത്തനങ്ങൾ ശക്തമായി തുടരും. ജനാധിപത്യം, മതനിരപേക്ഷത എന്നിവയിൽ അധിഷ്ഠിതമായി പ്രവർത്തിക്കും. സ്ത്രീ സമത്വത്തിന് പ്രാധാന്യം നൽകും. കൊവിഡ് ഒന്നാം തരംഗത്തിൽ സമഗ്ര പാക്കേജ് നടപ്പാക്കി. കൊവിഡ് മരണനിരക്ക് നിയന്ത്രിച്ചു നിർത്താൻ സാധിച്ചു. നാനൂറ് കോടി രൂപ ചെലവ് വരുന്ന ഭക്ഷ്യക്കിറ്റുകൾ 19 ലക്ഷം കുടുംബങ്ങൾക്ക് നൽകി

ആരോഗ്യമേഖലയിലെ സമഗ്ര പാക്കേജിനായി ആയിരം കോടി രൂപ മാറ്റിവെച്ചു. കുടുംബശ്രീ വഴി രണ്ടായിരം കോടി രൂപയുടെ വായ്പ നൽകി. പെൻഷൻ ഉൾപ്പെടെയുള്ള കുടിശ്ശിക തീർപ്പാക്കാനായി 14,000 കോടി രൂപ മാറ്റിവെച്ചു. കൊവിഡ് വാക്‌സിൻ എല്ലാവർക്കും സൗജന്യമായി നൽകുമെന്ന് സർക്കാർ പ്രഖ്യാപിച്ചുവെന്നും ഗവർണർ പ്രസംഗത്തിൽ പറഞ്ഞു.

Read More

ജനക്ഷേമ പ്രവർത്തനങ്ങൾക്ക് തുടർച്ച വേണമെന്നാണ് ജനങ്ങളുടെ ആഗ്രഹം: പിണറായി പ്രകടന പത്രിക നടപ്പാക്കിയ സർക്കാർ; കേന്ദ്ര ഏജൻസികൾ വികസനത്തിന് തുരങ്കം വെച്ചുവെന്നും ഗവർണറുടെ നയപ്രഖ്യാപനം ഏപ്രിൽ 16, 17 തീയതികളിൽ രണ്ടര ലക്ഷം പേർക്ക് കൊവിഡ് പരിശോധന; പ്രതിരോധ പ്രവർത്തനങ്ങൾ ശക്തമാക്കും വയനാട് പ്രളയ പുനരധിവാസ പ്രവർത്തനങ്ങൾക്കായി ബോബി ചെമ്മണ്ണൂർ ദാനമായി നൽകിയ ഭൂമിയിൽ 24 വീടുകൾ നിർമിക്കും