കോവിഡ് ചട്ടക്കൂട് തുണച്ചു; കോഹ്‌ലിയും രോഹിത്തും വീണ്ടും ഭയ്യാ ഭയ്യാ

‘പുറത്തു നിന്നുള്ള സംഭാഷണങ്ങളും മറ്റും കാര്യങ്ങള്‍ കൂടുതല്‍ വഷളാക്കിയിരുന്നു. ഇത് വളരെക്കാലമായി ഇന്ത്യന്‍ ക്രിക്കറ്റിന്റെ കഥയാണ്. പല കാര്യങ്ങളില്‍ വിരാടിനും രോഹിതിനും കാലാകാലങ്ങളില്‍ അഭിപ്രായവ്യത്യാസമുണ്ടായിരുന്നു. എന്നാല്‍ ഇപ്പോള്‍ കാര്യങ്ങള്‍ അങ്ങനെയല്ല. അവര്‍ പരസ്പരം സൗഹൃദത്തോടെ സംസാരിക്കുന്നു. മുന്‍കാലങ്ങളെ അപേക്ഷിച്ച് അവര്‍ ഒന്നിച്ച് ഫോട്ടോഗ്രാഫുകളില്‍ പ്രത്യക്ഷപ്പെടുന്നു. ഏകദിന പരമ്പരയ്ക്കിടെയും കളിക്കിടെയും രോഹിതുമായി ചര്‍ച്ചകള്‍ നടത്തുന്നു സംസാരിക്കുന്നു. ഇത് നേരത്തെ തന്നെ സംഭവിക്കുമായിരുന്നു, എന്നാല്‍ ഇത് അവസാനിപ്പിക്കണമെന്ന് അവര്‍ തന്നെ തീരുമാനിച്ചു, അതിനുള്ള സമയവും ലഭിച്ചു.’ ടീമിനോട് അടുത്ത വൃത്തങ്ങള്‍ പറഞ്ഞു.