മൂന്നാം ലോക മഹായുദ്ധമുണ്ടായാൽ ആണവായുധം പ്രയോഗിക്കപ്പെടുമെന്ന് റഷ്യൻ വിദേശകാര്യ മന്ത്രി
മോസ്‌കോ: യുക്രൈനില്‍ ആക്രമണം ശക്തമാക്കുന്നതിനിടെ ആണവായുധ ഭീഷണി ആവര്‍ത്തിച്ച് റഷ്യ. മൂന്നാം ലോക മഹായുദ്ധം നടക്കുകയാണെങ്കില്‍, അതില്‍ ആണവായുധങ്ങള്‍ പ്രയോഗിക്കപ്പെടുമെന്നും അത് വിനാശകരമാകുമെന്നും റഷ്യന്‍ വിദേശകാര്യ മന്ത്രി സെര്‍ജി ലാവ്‌റോവ് പറഞ്ഞു. യുക്രൈനിനെ ആണവായുധങ്ങള്‍ സ്വന്തമാക്കാന്‍ അനുവദിക്കില്ലെന്നും അദ്ദേഹം വ്യക്തമാക്കി. ആണവായുധങ്ങള്‍ സജ്ജമാക്കാന്‍ സേനാ തവന്‍മാര്‍ക്ക് പുടിന്‍ നിര്‍ദേശം നല്‍കിയതായി അന്താരാഷ്ട്ര മാധ്യമങ്ങള്‍ നേരത്തെ റിപ്പോര്‍ട്ട് ചെയ്തിരുന്നു. ഇതിന് പിന്നാലെയാണ് റഷ്യന്‍ വിദേശകാര്യ മന്ത്രിയുടെ പ്രതികരണം.
യുക്രൈന്‍ അധിനിവേശം ആരംഭിച്ച് ഒരാഴ്ച പിന്നിടുമ്പോഴും റഷ്യ ആക്രമണം ശക്തമായി തുടരുകയാണ്. റഷ്യയുടെ സൈന്യം ബുധനാഴ്ച കെര്‍സണ്‍ പിടിച്ചെടുത്തു. രണ്ടാമത്തെ ഏറ്റവും വലിയ നഗരമായ ഖാര്‍കിവിന് ചുറ്റും വന്‍തോതില്‍ കെട്ടിടങ്ങള്‍ തകര്‍ന്നടിഞ്ഞതിന്റെ ദൃശ്യങ്ങള്‍ പുറത്തുവന്നിട്ടുണ്ട്.
അതേസമയം, റഷ്യയ്ക്ക് ചുറ്റും സാമ്പത്തിക കുരുക്ക് ശക്തമാക്കിയാണ് പാശ്ചാത്യ രാജ്യങ്ങള്‍ ഇതിനോട് പ്രതികരിക്കുന്നത്. യുഎസ് വ്യോമാതിര്‍ത്തിയില്‍ നിന്ന് റഷ്യന്‍ വിമാനങ്ങള്‍ നിരോധിച്ചത് ഉള്‍പ്പെടെ കടുത്ത നടപടികളാണ് ബൈഡന്റെ നേതൃത്വത്തില്‍ യൂറോപ്യന്‍ യൂണിയന്‍ നടത്തുന്നത്.
Read More
ഉക്രൈന്‍ അതിര്‍ത്തിയില്‍ പടക്കോപ്പും വലിയ സേനാ വിന്യാസവുമായി റഷ്യ; നാറ്റോ സേനയും അതിര്‍ത്തിയിലേക്ക്: ആശങ്കയോടെ ലോകം
ഉക്രൈന്‍ അതിര്‍ത്തിയില്‍ പടക്കോപ്പും വലിയ സേനാ വിന്യാസവുമായി റഷ്യ; നാറ്റോ സേനയും അതിര്‍ത്തിയിലേക്ക്: ആശങ്കയോടെ ലോകം
നിരോധിച്ച ഉള്ളടക്കങ്ങള്‍ നീക്കം ചെയ്തില്ല; ഗൂഗിളിനു പിഴയിട്ട് റഷ്യ
റഷ്യയിലും സ്‌ഫോടനം, റഷ്യൻ വിമാനം വെടിവെച്ചിട്ടതായും യുക്രൈൻ; യുദ്ധം രൂക്ഷമാകുന്നു