സുൽത്താൻ ബത്തേരിയിൽ എൽ ഡി എഫ് സ്ഥാനാർഥിയുടെ പത്രിക തള്ളി; പകരം ഡമ്മിയായ ഭാര്യ സ്ഥാനാർത്ഥി

സുൽത്താൻ ബത്തേരി: എൽഡിഎഫ് പ്രഖ്യാപിച്ച ഔദ്യോഗിക സ്ഥാനാർഥിയുടെ പത്രിക സൂഷ്മ പരിശോധയനിൽ തള്ളിയതോടെ സുൽത്താൻ ബത്തേരി നഗരസഭയിൽ ഡമ്മിയായ പത്രിക നൽകിയ സ്ഥാനാർഥിയുടെ ഭാര്യ സ്ഥാനാർഥിയായി. സുൽത്താൻ ബത്തേരി നഗരസഭയിലെ 35-ാം ഡിവിഷൻ കൈവട്ടാമൂലയിലെ ഇടതു സ്ഥാനാർത്ഥിയായ ഇല്ലത്ത് കോയയുടെ പത്രികയാണ് തള്ളിയത്. പകരം ഡമ്മി സ്ഥാനാർത്ഥിയായി പത്രിക നൽകിയ ഇല്ലത്ത് കോയയുടെ ഭാര്യ റഹ്‌മത്ത് കോയ ഇടതുപക്ഷത്തിന്റെ ഔദ്യോഗിക സ്ഥാനാർത്ഥിയായി. കോയയുടെ സ്ഥാനാർത്ഥിത്വം തള്ളിപോകാൻ കാരണമായത് ചെറുകിട കരാറുകാരനായ ഇയാൾക്ക് നിലവിൽ കരാറുമായി ബന്ധപ്പെട്ട് സാമ്പത്തിക ബാധ്യതയുള്ളതിനാൽ സൂഷ്മ പരിശോധനയിൽ നാമ നിർദേശ പത്രിക തള്ളുകയായിരുന്നു.
ഡമ്മി സ്ഥാനാർത്ഥിയായ കോയയുടെ ഭാര്യ റഹ്‌മത്ത് കോയ മുൻ ഗ്രാമപഞ്ചായത്ത് മെമ്പറായിരുന്നു. കൈവട്ടാമൂലയിൽനിന്നുതന്നെയാണ് ഇവർ നേരത്തെ വിജയിച്ചതും. സുൽത്താൻ ബത്തേരി ഗ്രാമ പഞ്ചായത്തിന്റെ മുൻ പ്രസിഡന്റായിരുന്ന നഫീസ അഹമ്മദ് കോയയെയാണ് ഇവർ അന്ന് പരാജയപ്പെടുത്തിയത്.
നഗരസഭയുടെ ചെറിയ പ്രവർത്തികൾ കരാറ് എടുത്തുവരികയായിരുന്നു കോയ. ഇതിന്റെ ബില്ലുകൾ മാറാനും വർക്ക് പൂർത്തീകരിക്കാനുമുണ്ട്. കൊവിഡിന്റെ വ്യാപനത്തോടെ വർക്ക് പൂർത്തീകരിക്കാനും ബില്ല് മാറികിട്ടാനും കാലതാമസം നേരിട്ടു. ഇതാണ് കോയക്ക് വില്ലനായി മാറിയത്.

Read More

ബത്തേരിയിലും മാനന്തവാടിയിലും സിപിഎം സ്ഥാനാർത്ഥികൾ മത്സരിക്കും നെന്മേനി പഞ്ചായത്തിലെ 23 വാർഡുകളിലേക്കുമുള്ള സ്ഥാനാർത്ഥികളുടെ പട്ടിക എൽ.ഡി.എഫ് പുറത്തിറക്കി വയനാട്ടിൽ 4863 പേർ നാമനിർദ്ദേശ പത്രിക നൽകി. : ബത്തേരിയിൽ 318 സ്ഥാനാർത്ഥികൾ: പനമരത്ത് 290 പേർ ബത്തേരിയിൽ സ്ഥാനാർത്ഥിയാകുമെന്ന പ്രചരണത്തെ തള്ളി ഇ എ ശങ്കരൻ; വ്യാജപ്രചരണത്തിന് പിന്നിൽ സിപിഎം നേതാക്കളെന്ന് ആരോപണം